|
معوض خير
معوّض خير يا حي تهقوى في الزمان ومال
سنينك لو رقيت بعدلها يطـرحك مايلــــــها تعلّم واعرف إن الدرب قدامك سهل وجبال جــبال تطولها وجبال بعــيونك تخـــــايلها ومعوّض خير يا حيٍ وردت الماء بدون حبال يطول بك الوقوف وشربة الماء ما تحصّلها وقوفك عند راس البير مايسقيك لو فنجال ولا ينفعك شوف الجمه اللي منت طايلها ومعوّض خير ياحيٍ خدعك من الرجال أشكال تشـــوف أشكالها وتحــطها أرفع مـن منــازلها تعلّم من زمانك لا تصير مــن أجهل الجـــهال ترى في كل يـــوم تجيك عبــرة لا تجاهلها إذا ربي وهب لك عقل تلقى في الرجال رجال تعرف اللي يطلّع قيمتك واللي ينزلها ترى من بعض ما يندي الجبين ويحرج الرجال ليا ساق الميــانه في نـــفوسٍ ما تقـــبّلها ومهما شفت في صاحبك من نخوة وطيبة فال ترى بعض الســجايا كثرة الإلــحاح يقتـــــلها معاريف الرجال ديون وديون الرجال ثقــــــال ليا صرت متعافي ليش تغرق في جمايلها يتبــــــــــــــــع |
رصيدك في حياتك سمعتك مع طيبين الفال
رجال الطيب والمعروف بالمـــعروف عاملها ولا تبدي بجاهك في مقام ما يسر الحال ولا تشفع لناسٍ ما تنومسك بفــعايلها ليا جاتك تعذّرها مدام العذر له مدخال ووقت الجد قول لها الصحيح ولا تجاملها وخذ مني نصيحة لا تصدق كل ما ينقال يجرك للنميمة ليـن يطرحك بحبايلها يجيلك ناقل النمّات بهروجٍ تغث البال سوالف في قفاك وحظك أطيب يوم تجهلها يبرّر بالحمـــية والصداقة شينـــــة الأفعال يجمّل صورته بعلومه اللي ما تجـــــمّلها ولو كانت حميّه فيك رد المخطيه في الحال ولا كان استمعها في قفاك وجــاك شايلها ترى من جاب لك ودّى وهذي عادة النقال يحاول يقتنص من فمك كلمة لأجل ينقلها ومثل ما قال عندك راح عنك وعند غيرك قال وزوّد عشر فــــوق الكلمة اللي كنت قايلها تجنّب مجلسه لا تجلس إلّا مع كريم خصال تحمّل ميلته وإن ملـــــــت ميلتك يتحمّلها يتبــــــــــع |
ولا تصبر على الجار الردي لو هي ثلاث ليال
تضرك جيرته لو كــان بيـــبانك تقــــــــفلها وبيع الدار بأول سومةٍ تعرض على الدلال ورزقك عند ربٍ كاتـــب اللقمة وكافــــلها وبنتك لا تزوجها الردي لو هو كثير المال تربيها على الطالات وتشوّه سلايلها وكم من لاش يرمي خيبة ابنه فوق رأس الخال لو إن الخال من روس الرجال ومـــن دلايلها ليا منك عرفت تميّز الطيّب مــــــن البطال وفادتك التجارب في الحياة وفي مسايلها وكشفت الفرق ما بين الصحيح وحيلة المحتال وتعلمت الفراسه في الوجيه اللي تقابلها بعد هذي ترى مالك غنى عــــــن صحبة العقّال يدلّونك برايٍ ينقض الدعوة ويفتلها يقولون الرجال اللي سوالفهم حِكم وأمثال ليا من ضاعت الحيلة يدل القوم عاقلها نصيحة واحدٍ جرّب وشاف مـــــن الزمان أهوال يقدّم لك خلاصة هجرةٍ جرّب هوايلها. اعجبتنى ونقلتها |
صح لسانك ولسان شاعرها
يسلمووو على الانتقاء الجميل |
اقتباس:
الله يسلمك عالمرور الجميل |
تعلّم من زمانك لا تصير مــن أجهل الجـــهال
ترى في كل يـــوم تجيك عبــرة لا تجاهلها إذا ربي وهب لك عقل تلقى في الرجال رجال تعرف اللي يطلّع قيمتك واللي ينزلها مبدعة كعاتك وفقدنك يااموره |
اقتباس:
ومرورك الاروع يالغاليه وعسا ماتفقدين غواليك فديتك والف شكر عالطله العطره |
| الساعة الآن 02:15 PM |
Powered by vBulletin® Copyright ©2000 - 2024, Jelsoft Enterprises Ltd
F.T.G.Y 3.0 BY: D-sAb.NeT © 2011