يُبه..رد علي
ترى طوولت بغيابك
يُبه ..يُبه ..يٌبه طلبتك ردعلي وطمني
عن احوالك وغربه فرقى نظر عينك
يٌبه ..تكفى ريحني وريح قلبي التعبان
وطمن بنيتك لولي ترى فرقاك عذبها
يبه تذكركنت تقولي عسى يومي قبل يومك
ليت ربي أخذ روحي ورحلت انا وبقى جودك
رحيلك حزن واوجاع ..رحيلك دمع وهموم
رحيلك ألآآآم وحرمان..رحيلك عذاب وفراق
يبه ..يُبه والله طول غيابك
يُبه وربي اشتقت اسمعك تناديني
ولانسيتك بأعلى الصوت"يأخت ابوها" تعالي ابيك
والله فقدت هالكلمه .. وفقدت صوتك الحاني
فقدت كل صباح تقول يابنيتي القلب داعيلك
ينورلك دروب الخير ..وحياتك بسعد تهنى
ياليت الروح تفدى.. وربي روحي فدى روحك
ولاشفت حزن فرقاك ولاعشت الم بُعدك
يُبه..رد علي..
انت وينك؟
والله طول غيابك
يُبه اكره نظره الرحمه من غيرربي ثم غيرك
وبعدك شفتها من ناس كانت تحسب حسابي
ليت الله خذى روحي ولادنيا بلا زولك
بلا هيبتك بلاعطفك ولاحبك
يٌبه ..رد علي
والله طوول غيابك
يبه شماغك وطاقيتك ودهن العود بالمجلس
وترى ثوبك بدولابي بخرته وجهزته
تعال نستعد لشهر الخير تراه اقبل
تصوم معنا وتصلي .. ونعبد الله هو وحده
يُبه.. يُبه ليش ماترد علي والله ولهانه عليك
واقول ابوي انا اعرفه لوغاب ..عن بنته ابد يصبر
يُبه انا بنتظر رجعتك تكفى يايبه قلي
غيابك كم بيطول؟؟..
وبتحمل لجل ترجع شهر ..شهرين..بس ترجع
لعيون "أخت ابوها " لعيون "لولي"
تكفى يايُبه ارجع
تكفى يايُبه ارجع..