ترانيم على ضفاف الذكريات

ياعاشق الجرح مالك في جروحي عذر
ولاني على خبرك استحمل جروحك واطيق
العمر مرة وانا عايشت جرحك عمر
متى من احساسك البارد تقوم وتفيق
****
ياللي جروحك تخلي القلب بحزانه
متى تطيب اجروح حزني الظاهر
انا عقب قسوتك في وحدتي خانه
تجلس معي في غيابك والوله قاهر
****
ذويق وعيوني تحب الاناقة
واعشق جمال الحرف والفن والذوق
ولا التفت الا لاهل اللباقه
اللي بذوق احروفهم اعتلو فوق
****
والله اني كاتم بالصدر ضيق
ماشكيته لو لااعز الاصدقاء
اكتم الاحزان عن وجه الصديق
وابتسم لوكان في صدري شقا
*****
همسة الختام
مسائي مشبع بذكريات عتيقه وغربة انتظار
تطل على تلة
من الخيبات المريرة ورجفة تمزق
الاوزون
بذهن شارد ؟
ضامي بطوله