صديقي النصراوي وطبيب الاسنان !!

صديق نصراوي زار مؤخرآ طبيب الاسنان بعدما خلع له ضرس العقل وبدا صاحبي سعيدآ ظنآ منه ان مشاكله انتهت الى الابد ولكن كان للدكتور رأي اخر . اجلسه الطبيب على الكرسي وطلب منه فتح فمه فدار الحوار التالي :

_ بشر يا دكتور .. الفراغ اللي صار بعد شيلة ضرس العقل بيجي مكانه ضرس ثاني ؟

* ممكن اذا اراد الله وانت لا زلت في مرحلة نمو .. بس اهم شيء حافظ عليه .. يعني لا تعوده على هبش الحلويات ولا مضغ السكريات والا الله يعينك على السوس .

_ يعني ممكن يرجع يسوس ويسبب آلام ؟

* اكيد وآلام اعظم واكبر .. هذا ضرس جديد ونظيف ومغر جدآ للسوس عشان يتجمع عليه . مع كل ضرس جديد تلقى فيه سوس ( يزيد ) و ( فرحان ) عشان يتعيش على ضحية جديدة , ولا تنسى ان فيه سوس ( متيس ) في فمك من يوم ولدت ويعيش معك ابد الآبدين الا اذا خلصت منه زي ما خلصت من ضرس العقل .

_ طيب يا دكتور ليش ما تساعدني من الآن وتنظف فمي من السوس عشان ما يصيب السن الجديد !

* هذي ممكن بس يبي لها جلسات مكثفة ولازم نوقف عندها سن .. سن .

_ يعني بتطول الشغلة يا دكتور ؟

* طبعآ .. احنا ممكن نبدأ مع الاسنان العاملة سواء في الطحن او التقطيع .. وهذي تنظيفها خارجي وما يأخذ وقت . بس البلاء في ( السن الخفي ) وهو اللي يجمع العوالق والمخلفات ويسبب النتانة والريحة الكريهة في الفم حتى الله يكرمك تحسب ان ماسورة صرف صحي مفتوحة في فمك لو ما داومت على تنظيفة اول بأول .

_ حلو يا دكتور .. وبعد كذا خلاص ؟

* لا يا طيب .. كل هذا يهون .. بعد كذا يبقى " السوسة الكبرى " وهذي الله يجيرك منها .. تراها من النوع اللي فيه ومهيب فيه !!

_ وشلون يعني فيه ولا هيب فيه ؟

* يعني في الظاهر ما هي موجودة واذا حطيت منظار لقيتها متغلغلة في كل شيء .

_ والحل يا دكتور مع " ام السوس " ؟

* شف يا حبيبي .. الآن الضرس الجديد المفروض انك تعتبره قدوة لبقية الاسنان خصوصآ انه نظيف وما بعد لحقه السوس , وعشان كذا زي ما قلت لك اول .. ابعد عنه الحلا واغراءات السكريات ولازم تجيب لك فرشاة اسنان اصلية وخيوط متينة وتبدأ تنظف اسنانك واحد واحد .. واهم شيء بين الاسنان والمناطق الخلفية ولا تخلي اللثة واللسان من التعقيم والتنظيف .

_ واللثة واللسان وش دورهم في نظافة الفم ورائحته ؟

* الله يهديك بس .. كل الروائح المنتنة من اللسان .. صح الناس ما تنطق وتسمع الاخرين الا من اللسان .. بس اذا كان اللسان مليان ميكروبات وفطريات ووسخ وقرف .. وش تتوقع تطلع ريحة فمك .. اسمعني زين .. اللسان الوسخ هذا يعتبر" جزيرة " الكلام الموبؤ و" رياض " القول المنتن .. فاما انك تنظف لسانك او تسكر فمك كله وتنسى الحكي .

_ ابشر يا دكتور .. اثر كل هذا عشان الضرس الجديد ؟

* هذا اذا تبيه يشتغل معك صح ولا يسبب لك معاناة ومآسي ثم تجيني وتقول اخلعه .

_ لا ان شاء الله .. الله ينفع به .. آمين .

سلمان بن عبدالرحمن

يادكتور الضرس خلعناه وطار
والسوس يبي له تنضيف
والاتحاد السعودي مثل هذي السالفه يبي لها تنضيف لجان وادارة اتحاد
والامل في الله ثم في اسير الشوق
ولك مني اجمل تحيه

المشاركة الأصلية كتبت بواسطة عالمي الطائف

يادكتور الضرس خلعناه وطار
والسوس يبي له تنضيف
والاتحاد السعودي مثل هذي السالفه يبي لها تنضيف لجان وادارة اتحاد
والامل في الله ثم في اسير الشوق
ولك مني اجمل تحيه

لو كان علي نصحتهم يشيلون كل الاسنان ويركبون واحد صناعي
اجمل التحايا واعطرها للطائف وساكنيه

موضوع رائع وحساس جبتها يابطل ربي يرفع شانك تشكراتي

المشاركة الأصلية كتبت بواسطة تركي النصر

موضوع رائع وحساس جبتها يابطل ربي يرفع شانك تشكراتي

حياك الله اخوي تركي
حتى بعد خمسة اليابان مضطرين نقول :
الحمدلله الذي لا يحمد على مكروه سواه
يعني لازم نترقع بكوارث عشان يعرفون ان فيه شيء غلط

اشكر لك ثناءك ودعائك واقول : ولكم مثله

هههه تسلم أخوي سلمان
تفننت بالمفردات بشكل راائع
أشكرك لاخلا ولاعدم

المشاركة الأصلية كتبت بواسطة دمي أصفر

هههه تسلم أخوي سلمان
تفننت بالمفردات بشكل راائع
أشكرك لاخلا ولاعدم

الله يسلمك من كل شر اختي " دمي اصفر "
والله لا يغير عليك لون دمك
وانا سعيد ان تجدي في المقال ما يبعث على البهجة ويدفعك للضحك والقهقه
لا حرمنا الله مرورك وتفاعلك

يعطيك الف عافيه كاتبنا المميز فعلآالاتحادالسعودي يحتاج الى تنظيف وتعقيم فالسن الواحد يخرب على الجميع
وقالوها اكثر العامليين في اللجان الموجوده في الاتحادالسعودي مؤهلهم الدراسي ابتدائي والبعض منهم مدرسين رياضه كيف راح ينجحون؟؟؟
اقالة سلطان غير كافيه يجب احداث غربله شامله من اول عضو الى اخرعضو
الاستاذ سلمان لك كل الشكر على ماتنثره من ابداعات تسلم يمناك

المشاركة الأصلية كتبت بواسطة بنت18النصر

يعطيك الف عافيه كاتبنا المميز فعلآالاتحادالسعودي يحتاج الى تنظيف وتعقيم فالسن الواحد يخرب على الجميع
وقالوها اكثر العامليين في اللجان الموجوده في الاتحادالسعودي مؤهلهم الدراسي ابتدائي والبعض منهم مدرسين رياضه كيف راح ينجحون؟؟؟
اقالة سلطان غير كافيه يجب احداث غربله شامله من اول عضو الى اخرعضو
الاستاذ سلمان لك كل الشكر على ماتنثره من ابداعات تسلم يمناك

حياك الباري بنت 18
لقد وضعوا بوابة امنية على مقرات الرئاسة والاتحاد الهلاميرلا تسمح الا بدخول بني زعقون
حتى في العام الماضي ومع التطور اعترفوا ان التعيينات الجديدة في اللجان قامت بناء على ترشيحات الاعضاء السابقين
يعني كل واحد يرشح اخوانه ومعارفه
اشكر لك الثناء والاطراء وهذه شهادة افتخر بها واعجز عن ردها ومقابلتك بجزء منها

من جد عجبني قراءة هذا الموضوع النير والجميل
وانشاء الله راح تكون اسنان مرصعة بالألماس