نص: جمعية إنسان ( قناة الصحراء )

إهداء لطهر قلوبكم هذا النص المتواضع ،،
بعنوان ( جمعية إنسان )

الله على مكنون الأيام لابان = سر العليم اللي عليه الوكايد


عالم خفايا سر عبده بحسبان = الخالق الرازق وللكون سايد


أسج بأقدام الفكر وين ماكان = وأرحل مع الهاجس بليا عوايد


ياهاجسي لازان للنظم قيفان = شبيت في رووس الفتايل وقايد


الفكر مربط والهواجيس فرسان = من راس جزلٍ مايجيب الزهايد


البيت مايبنى على غير عمدان = ولاتثبت ركونه بليا وتايد


صفن بنات الشعر والخد ميدان = وقمت أتخيّر كلبوهن نوايد


وأخذت من دره جزيلات الأثمان = بنات نبض الشعر نبع القصايد


أصوغها من الفكر والعقل بإتقان = وأنقد بيوت ٍ مالحقها نقايد


شاعربحر وأقطف مزاهير مازان =والشعر حبك وسبك در الفرايد


أنظم جواهر والجواهر على شان = يجني حصاد القول منها فوايد


ماتثبت الحجه على غير برهان = ولاسميّت دوله على غير قايد


للخير ملقى والبقاء بإسمك إنسان =مزبن وملفى مشتكين الشدايد


دار ٍ تسطر للفخر بإسم سلمان = والفكر واعي والنوايا عقايد



جمعية ٍ للخير من بر وإحسان = وكف العطاء بالخير عون وسنايد


تعطي ويشمل مدها دور يتمان = عون الأرامل والأسر في تزايد


للعطف فيها لطف من قلب الإيمان = تجني حصاد موثقين الشهايد


الشجره اللي ظلّها عم الأوطــان = ومطلّعها للزود .. والجود جايد


بإدارة أهل الحق .. للحق ميزان = اللي لهم بالطيب فعل ومجايد


وأمانة ٍ ماتختلف طول الأزمان = وحنا خلقنا الله شعوب وبدايد



والكلمه اللي محمض الهرج وكدان = قول ٍ جبرني فال جوده عوايد


مادام باق ٍ فيه مبدأ وعرفان = والحال مابين الفرح والنكايد


الوقت ماله يالبنادم ترى أمان = وقت ٍ سيوفه يالبنادم حدايد


تبقى الحياه صدور والناس ضيفان = تمسي بها والصبح ضمن الفقايد


ورمح القدر مسنون والحق سلطان = والطير مهما طار بالحال عايد


والروح رهن ودين والموت ديان = وعقب الوسيعه قبر وضيق اللحايد


ألحق على وقتك من الأن يافلان = وقدم لك من الخير طيب الجوايد


ترى العمل جنس الفعل دون نقصان = أعمل لبكره ياوسيع البنايد


ياطيبها ياطيّب الأصل حوران = تجني حصاد الخير والعمر بايد


أقدم وساهم والجزاء روضة جنان = مادام باقي فالتوالي شرايد


وأصل الدلايل لاورد قلب ولسان = الرووس ماخلقت لنوم الوسايد


يالله عسى حسن المخاتيم غفران = وماقلت دل ولايبيله وكايد

//

أخوكم : سعد المسعودي
( الحرالأشقر )

يعطيك الف عافية
رائع

الله الله اذكر باني رايت الفيديو اشكرك عليها شاعرنا جميل جدا وصح لسانك شاعرنا ربي يوفقك

جميل
شكرا لك

يامرحبا بالجميع والله لايهينكم على هالمرور المشرف


أحتراامي