جبل بونشاك الفتاك . سفرتي لاندونسيا . قبل اسابيع .

بسم الله الرحمن الرحيم ..

في البدايه . سـأقول .. بأنني من الاشخاص الذين لايحبون نشر , مواضيع السفر والرحلات , لانها مُتعبه , ولأجل هذا المنتدى , واعضائه الغالييين . سـ اتحمل التعب وسـأقوم بإنزال تقرير سفرتي لأجل الامتاع والتفاعل . سأكتب بعض التفاصيل مدعومه بالصور , اتمنى ان تنال على اعجابكم ..



بدايه السفره
لا اعلم بالظبط كم التاريخ
كل ماعرفه انني حجزت يوم الثلاثاء , على طيران الاماراتيه واقلعت يوم الاربعاء الساعه الرابعه فجرا متوجهاً لدبي ومن ثم الاقلاع , الى جاكرتا والوصول الساعه الثانيه عشر ليلا من يوم الخميس .. وايضاً اعلم انه بنفس اليوم المشؤوم لدى الهلاليين , اي بنفس يوم مباراه الهلال واصفهان ..

طبعا
كان الوضع عندي ملخبط .
لاني مادري شلون حجزت , وأكدت الحجز واخذت الأوكي , وانا ماجهزت شي , وهي اشبه بالمغامره بكل امانه لان ماقدامي الا يوم واحد حتى اجهز كل الاغراض , والحق الطيران ..

لدرجه الغرابه وعلى غير العاده
بعد الحجز وتأكيد الحجز طلعت مع اخوياي للبر في الليل وجيت الفجر ونمت , ولازم اصحى العصر حتى ارتب الاغراض واشتري بعض اللوازم ولازم اكون بعد العشاء مخلص حتى اروح للمطار , لأني ماني في الرياض كنت في القصيم , وخلصت اموري الساعه 10 تقريبا في الليل , وسيدا للمطار , بلا ساهر بلا بطيخ وصلت المطار بعد المشقه الساعه 2 تقريباً على طول زبطت الاغراض ودزيتها بالطياره , ورحت ازبط وضع الختم والجوزات ومن هذه الامور حتى دخلت الصاله الساعه تقريبا 3 وعليها , ولحسن حظي تأخر الاقلاع لمده ثلث ساعه عن الموعد المحدد وهذا اللي خلاني اطير معهم ولا كان سافط حتى الرحله الجايه , الحمدلله تيسرت الامور كامل التيسر , وركبنا الطياره , والمفروض وصول الطياره بعد ساعتين الا ربع بعد الاقلاع ( اقصد الوصول الى دبي ) طبعاً الا اننا وصلنا مطار دبي وجلسنا ندور فوق المطار لمده ساعتين , واحنا ندور في المكان نفسه , اعرفو ان راسي بدأ يدور وتسبدي بدت تحوم صراحه مره الشمس دخلت من جهات الطياره كلها لأن كابتن طيار يدور بنفس المكان , والحال وقتها يرثى لها لجميع الركاب , من حيث الدوخ وحومه التسبد , ولا نعرف وش السبب , لين الله يسر وجاء المضيف منصور احمد اماراتي ومن اروع المضيفين خلقاً وادباً واسلوباً . فسألته عن المشكله , فقال ان دبي عليها ضباب كثيف , وانعدمت الرؤيا تماماً . واحتمال نحول الوجهه الى مسقط , فقلت لاحول مسقط مافيها رحلات دوليه , قال نجلس بعدين نرجع لدبي وتتوكل على الله , قلت طيب انا الترانزيت في دبي 4 ساعات والحين راحت ساعتين منها باقي ساعتين وتقلع الطياره لجاكرتا وش السواه , قل يسرها الله , ( انا كنت مصمم اوصل جاكرتا بنفس الموعد ) لشي بنفسي , المهم ولا شوي والحمدلله تيسرت الامور واعلنو ربط الأحزمه للهبوط , وهبطنا بسلامه , وانا كنت ناوي في الأربع ساعات اتسوق شوي في مطار دبي لانه عالمي بس راحت علي ساعتين , والمطار كبير وبوبات وشغلانه , فرحت اخذت رقم البوابه من الرحلات الألكترونيه وبسرعه طلعت لكوفي شوب اخذت قهوه مع بعض المزاج الخاص ع طول نزلت لأن المسافه بين الكوفي والبوابه بعيده مره , فشربت سريع سريع القهوه ونزلت سيدا للبوابه , مامداني ازبط أموري الا ويعلنون عن الرحله المتجهه لجاكرتا , وعلى طول سيدا لخرطوم الطياره واخذ مكاني واتكي , اقلعنا ولله الحمد الساعه 11 بتوقيت الامارات . الساعه 12 بتوقيت المملكه , شوي اعلنو ربط الاحزمه واقلعنا , وبعد مازبطت القياده بالجو وتعدلت الطياره فكيت الحزام ونطيت ورى اشوف اذا في مقاعد فاضيه وحصلت الحمدلله , فاخذت لي 4 مقاعد جنب بعض , وانسدحت فيها حرصاً على النوم لان قدامي 7 ساعات مده طويله جدا , طبعاً انام عشر دقايق واصحى ساعه وارجع اتابع فيلم ساعه وانام ربع ساعه وهكذا ومن الصدف حصلت واحد اعرفه في الطياره وجلسنا نسولف , وندردش قلت بناظر الساعه شكلنا قربنا الا انه ماراحت ولا 4 ساعات ياساتر الوقت ممل جداً . والحمدلله اعلن الكابتن عن ربط الحزمه استعداداً للهبوط . ( ياهلا مرحبا بجاكرتا ) هبطنا , والحمدلله كان المطار فاضي جدا لاننا وصلنا الساعه 12 في الليل بتوقيت جاكرتا يعني الساعه 8 عندنا , فاضي المطار ولا في رحلات وسريع سريع ختمت واخذت التأشيره بـ 25 دولار . لمده 30 يوم . ورحت اخذ الشنط , اخذت الشنط والعزبه والامور الفله الا شنطه وحده ماخذتها لانهم ماجابوها وفيها ملابس لي , المهم وكذا وكذا ومتى وكيف وعطلوني ساعه عطوني تعويض 50 دولار , وقالو حط العنوان ونجيب لك الشنطه بأي مكان تبيه ( طبعا انا مادري وين العنوان لأني للحين مادري وين اروح ) فاخذت ارقامهم وتوكلت على الله لبرا المطار كنت ناوي اجلس في جاكرتا يوم اريّح , ومن بكرا اروح للجبل بونشاك , طلعت وناظرت الساعه 1 في الليل والجبل يبي له 3 ساعات صارت الساعه 4 خلني اتوكل ع الله ع طول للجبل , بس لان مايفوت صراحه وجاكرتا مقرفه بالنسبه لي كلها اسواق وألعاب , ووشاطي آنشول وجوها حار ورطوبه , اخذت سواق بـ 200 ريال تقريباً بس سياره حلوه وشرحه وكبيره وتاخذ تمدد ع كيف كيفك ويكفي ان لونها اسود ^_* رحت لبونشاك ..
وصلت الساعه 5 تقريبا على اني بروح آكل من كنتاكي لانه يفتح 24 ساعه يوم وصلته الا هو مسكر وابتلش وقفت واخذت بعض الخفايف اتعبر فيها , واكلتها وتوكلنا ع الله ادور فيلا اسكن فيها , دورت منا مناك , ماحصلت اللي سعرها غالي واللي مكشوفه للجميع , واللي ماعجبتني واللي واللي , المهم كنت ادق على واحد اندونيسي من اول ماوصلت مايرد لانه شكله نايم , قلت تدري خلني اروح لسكنه , لاني اعرفه , رحت وطقيت عليه وفتح الباب وسلام وكذا , قلت ابي انام ياخوي , ( طبعاً هو في فيلا كبيره والفيلا لواحد صيني يأجرها ) وهو ساكن بملحق مثل ماتقولون فيها , لكن هالمره مايأجر الا عوايل بس , المهم ماقصر دخلني في قسم بالفيلا خاص وقال نام انت وانا ازبط امورك انا وازبط لك فيلا , والحين انت نام , قلت كفو والله دخلت وقلت ادينا شاي خدير تكفى , وزبط الشاي وشربته ودوب ع السرير حتى ماغيرت ولا تروشت لدرجه اني نايم ( بالصندل ) تكرمون هذا النوم وش نسوي . نومه الييمه بس لازم اصحى حتى اروح للفيلا اللي يدورها لي , صحيت الساعه 1 الظهر تقريباً , تروشت ولبست وافطرت مادري تغديت وجاني هو وقال حصلت لك فيلا خلنا نشوفها .. رحت معه
واعجبتني الفيلا , فيلا لوحدها خاصه لها مسبح خاص وجلسه خاصه وغرف خاصه وكل شي فيها خاص ..


اكتفي بهذه الحروف ..
وانا اختصرتها لكم بسرعه , لان مافي صور
وبيكون الوضع ممل , مع الفيلا الجديده اللي اخذتها بيكون فيه صور , لحظه بلحظه لكل شي .. حتى العوده . بإذن الله .. اذا شفت منكم المتابعه راح اكمل طبعا
اما اذا العكس ليه التعب ؟


التقرير القادم وهو يكمل هالتقرير
بيكون فيه الصور , وصور كثيره برضو عن السفره
اتمنى انه يحوز على اعجابكم , واعذروني
ع الاسلوب :wink:

سفره سعيده ان شاءالله وترجع بالسلامه ننتظرالتكمله بالصور ويعطيك العافيه

مشكووووووور

مشكوووووور والله يعطيك الف عافيه

الحمدلله على السلامه :biggrin:
اجل كنت مسافر :biggrin:



الحين اضرب واطرح واضرب واطرح وفي النهايه مافيه صور 309):
قعدت اقراء مدري كم سطر على امل ان اشوف الصور وبالاخير
لاصور ولاهم يحزنون :biggrin:

هههههههه
دعابه دعابه استاذي
ع العموم بصراحه كان وصفكـ دقيق جدا لهذي الرحله وجميل ايضا
فكأني عشت هذي السفرهـ لحظه بلحظه بسب دقه وصفك
مشاء الله يصلح يحطونك في السناريوا والحوار في المسلسلات
تمتلك القدرهـ

نحن الأن بعد هذا الوصف المشوق ننتظر
الصور بشغف :smile:


مبدع بكل شيء :smile:
لكن مين احلى اسبانيا او اندونسيا ؟؟

له له له له له
وين الصور
اندمجت بالشخابيط اللى كاتبها >>>احلفي انتي وجهك هذا كلام
ماقول الا الحمدلله ع السلامه نورت الديره
وبانتظار الصور
بعدين تلعب علينا تقول صور واخر شي ماافي شي ورعااان عندك خخخخخ

ههههههههههه اللي يسأل عن الصور معناه
ماكمل الموضوع للنهايه وهذا الخطأ منكم مو مني تحملو ..

خلوني اشرح لكم
اول شي ذا تقرير يعني مو عرض صور بس
يعني صور وكلام من بدايه الرحله للعوده .. ثاني شي انا كاتب
لكم الكلام حتى وصلت اندونسيا , لانه للحين مافتحت الكام ماصورت شي هنا بس اكتب لكم عن بدايه الرحله ..
وتفاصيلها . وقلت في اخر الموضوع اختصرت لكم لان من مطار الملك خالد الى دبي الى جاكرتا ثم الى الجبل اول يوم
مافي تصوير كله كلام بس ..

كماله التقرير
فيه الصور , مع التفاصيل
فهمتو .. شكلكم ماتدرون وش التقارير ^_^

الله يسلمكم وان شاءالله شوي واكمل لكم ..

نكمل التقرير

طبعا
بعد ماخذت الفيلا اللي جابها لي صاحبنا الاندونيسي
وهي فيلا خاصه وفيها ثلاث غرف ومطبخ
وصاله كبيره وجلسه فوق شبابيكها كبيره وكل غرفه نوم
معها دوره مياه وانتم بكرامه وفيه جلسات برى
مع مسبح ..

هذي صوره الفناء الخارجي < متعوب ع الفناء




هذي الجلسه حقت الغداء والمغرب للمزاج
وهي اهداء خاص لهب النصر :wink:
حتى شوفو الكولا

طبعا اول وصلت للفيلا ذي
كان الظهر وكانت الشمس فيه فرتبت الاغراض
بالمطبخ وكذا اي صح اوريكم :



هذي صفه الاغراض
اللي جايبها معي من السعوديه او اللي شريتها
وانا رايح للفيلا ( والكاتم شغلته ع لحم تيس )
شلته معي وانا طالع للفيلا يحبه قلبكم
وصفيت المعلبات فوق الثلاجه جايبها من السعوديه
طبعا حقات الفطور لان عندهم بس غالي
مثل الحليب بوني السائل بـ 9 ريال وين وين
يعني مره غالي المعلبات عندهم علشان كذا اشتري
كل شي من السعوديه الى النسكافيه جايبه معي :redface:



طبعاً
حطيت اغراضي بغرفه النوم
الاغراض الخاصه وغرفه النوم مثل ماتشوفونها


اهم شي منشفه النصر معي
فحطيت الاغراض لكن قبل كل شي نسيت
وقت القهوه اللي هو اول مادخلت الفيلا سويت القهوه
لازم ننعش الراس بقهوتنا والهيل وعلوم
الاولين ^ـ^



فنجال رجال ملفوف بشعار النصر الجذاب
فاخذت فنجال ورى فنجال وبعدين
رحت ارتب الامور اللي قلت لكم عليها .. فوق
الغرفه والمطبخ والأمور ذي ..




هنا نقطه ضعفي ( المسبح )
ماشوفه الا اسبح 24 ساعه طبعا بعد ماخلصت الامور
كلها ورتبت الاغراض وتقهويت , والغداء يطبخ , بالكاتم .. سيدا للمسبح امشي 1000 جلست اسبح فوق الساعه , وخليت الشغاله تطفي ع الغداء حتى اكمل سباحه , لانه امطرت مطر كثيف وانا في المسبح فقلت قهر اطلع صراحه ودي انتعش , المهم بعد
السباحه قمت وتروشت ولبست وحطيت الغداء . ودبغت في اللحم حتى طق بطني طق لاني جلست ثلاث ايام ماكلت مثل الناس . وجلست اتغدأ بالمكان اللي كأنه ( صريفه ) < تعمل بسعف النخل المهم هذا الكلام كان يوم الجمعه وهو اول يوم لي في الجبل بونشاك فخليت يوم الجمعه راحه لي .. لاني مالي نفس اروح لشي فخلصته مابين سباحه وغداء وترتيب الاغراض . دخل الليل سوالف مع الاندونسين , لحد 9 تقريبا فرحت انام لاني مانمت .. اليوم الثاني في جزيره ليدو ..
ان شاءالله اعطيكم التفصيل الممل .



وغير كذا الصور ملخبطه
وجالس ارتبها واكتب الاسماء عليها
حتى ماتكون فوضى .. وروح صغر الصور
بعدين ارفعها وبعدين نزلها واكتب
تقرير .. يعني تعرفون
الوضع مره متعب لازم تعطوني دافع للمواصله
< اخلص

الحمدلله على سلامتك خيوو,,وااوالتقرير شوقنا نشوف الصور استعجل لاتأخرعلينا,,

الغاليه بنت النصر :
الله يسلمك وابشرك اني راجع للسعوديه من ايام ..
وان شاءالله اواصل معكم بالصور ..
الله لايهينك ع تواجدك .


فارس الماضي :
لاشكر ع واجب يالغالي والله يعافيك ...

الغاليه لينا :
الله يسلمك يالغاليه , اي كنت منحاش من المباراه
بعدين لو كملتي كلامي كان شفتي باخر الموضوع كاتب مافي صور بس العجله شينه مو انا افكر اشتغل في المسلسلات بس ماعندي وقت صراحه .. ^_^ وان شاءالله بنزل كل الصور اللي عندي
هنا من جزيره وحدائق وتجديف وكل شي .. والله يالغاليه مدري عن اسبانيا < صدق عمره لكن اسبانيا غاليه جدا جدا واذا رحت ان شاءالله في قادم الايام اعلمك < مو قلت لك اني مصدق .. بس اندونسيا حبيتها جدا ولازم اروح بالسنه مره .. عاد
الحب من الله وش نسوي ..

اختي حطموني البشر :
اسف لاني ماحطيت الصور بس ماكان عندي صور
ولا فكرت اصور في المطارات حتى .. بس ان شاءالله بحط الصور اللي عندي كلها , لا حشاكم لا ورعان ولا شي .. وكاتب انا المشكله ان هذا تقرير كلام مافي صور بس انتي ماقريتي الكلام


الغاليه لولي :
الله يسلمك يارب .. وحطيت بعض الصور ع ما ارتب
الامور الثانيه ان شاءالله اكمل لكم ..


الله يعطيكم الف عافيه
على التواجد والمتابعه , كذا تخلون الواحد يتحمس
ويروح لاندونيسيا وينقل لآيف