خذني بحضنك

تعال وغير اطباعي وعلى الزلات حاسبني
وخليني ابتسم كلي واغرق بين امواجك
بدونك دنيتي صعبه طلبتك للوصل خذني
أنا مهما ضوى صبحي ابي ليل به سراجك
غيابك اتعب عيوني .. غيابك حيل علمني
بأن الدنيا لو ضاقت .. فرجها ساعة افراجك
دخيلك ارحم بحالي .. كفايه البعد عذبني
حبيبي لا تخليني .. تراني بجد محتاجك.



( خذني بحضنك)





لوكنت تدري وش يسوي بي غيابك
والله ماغبت ياأغلى الناس عن عيني
لو ان ماصابني من هالغلا صابك
أقسم بربي ثواني ماتخليني
لوتدري بلهفة عيوني على بابك
كان تعرف وش بلاي؟ ووش معنيني
تصدق اني إذا أبي أسولف أبدابك
وكل السوالف لدرب إسمك توديني
تصدق اني أموتك موت وأحيابك
تخيل أحياك وأحيابك وتنهيني
أغار من عطرك ومن لهفة ثيابك
ويغار قلبي من مصافحك ليديني
عاد لاصرت تدري وش يسوي بي غيابك
أنا دخيلك رجيتك لاتخليني



( خذني بحضنك)



خذني بحضنك أبغفي يااااه مبطي ماغفيت
وإن لمحت دموع عيني سونفسك مالمحت
خذني بحضنك وفتش في جروحي وإن قضيت
هزلي كتفي وقلي: عيب تبكي لوسمحت
ضمني يمك وضحكني أليامني بكيت
تكفى ودي أذكر كيف كانت ضحكتي لامني فرحت

ابيات راائعه اشكرك

شكراً لك نصراويه على هالانتقاءات الروعه ولاهنت...

الله الله ابيات في غاية الروعه والجمال
يعطيك العافية على الانتقاء المميز
تحياتي لك

الله يعطيكم الف عافيه ع المرور الرائع ي لغلا

يعطيك العافية يالحجازية
أبيات جميلة
ألف شكر
^_^

كل الشكرلكم ع المرور الرائع

اختى الكريمه
ابدعتي في هذا الانتقاء المتميز لشعر متميز
اشكرك على هذه الذائقه
التواقه
ضامي بطوله