توك صغيره وابتديتي تحبين

توك صغــــــيره وابتديتي تحبين
من علمك ليل السهــــــر ياصغـــيره




بدري عليك العشق يابنت هاللحين
حــــرام هذا القلب وشهو مصـــــيره



انــــتي بريئه في الهوا ليه تشقين
دروبه بالحيل طوال ٍ عليكِ وعســيره



رحتي بدرب ٍ ماله اصلا ً عناوين
وانتي مشــــاويرك من اول قصــيره




ياطفلة ٍ حبت وراحت على وين
عقب الهنا ذقـــــتي الحياه المـــريره



وينك ووين الحب والشوق والبين
عنيـــــتي عيونك وصــــرتي سهيره




امحق تسلي كـــــان ودك تسلين
الورد لـــــــولا اللون وشهو عبـــيره




خليتي دروسك وصرتي تحاتين
الدرس فـــي ديره وصــــرتي بديره




وصرتي بعد من غيرهذا تغارين
والمشكله يابنت منــــــتي خبــــــيره




نصيحتي لك كــــــان ودك تردين
جمب السعــــــاده والحياه المثــــــيره




خلك بجو العــــــــايله لا تعدين
ماما وبابا والعجوز الظــــــــــــريره



شيبانك اللــــــي مـا يبونك تعانين
من بينهم عشــــــتي كأنك أمـــــــيره



الحب قبلك هـز ناس ٍ كثيرين
وخـــلا القلوب تعيش هم ٍ وحـــــيره




الحب يفضح لا انكشف داخل العين
وانتي بنفسك مــــــــا هقيتك بصــيره



طيعي كلامي واحذري لا تمادين
تراجعي لاعل فــــــي الأمر خــــــيره




عيشي الطفوله والبراءه سنين
وبعديـن حـــــــبي لا غديتي كبـــــــيره

ابياااات رائعه ..الله يعطيك العااااافيه
لاهنت..

عيشي الطفوله والبراءه سنين
وبعديـن حـــــــبي لا غديتي كبـــــــيره
الله الله على انتقاءك الجميل اخوي فارس الماضي قصيده ونصيحه رائعه من واقع تجربه~ياخطيييير انت~
الف شكر لك اخوي والله لا يهينك....

كلمات رائعه
انتقاء جميل
سلمت اناملك ع هيك طرح
لاعدمنا جديدك
ودي لروحك

كلمات رائعه ومعبره .. الله يعطيك العافيه .. وننتظر جديدك ..

الله يعطيك العافيه على هذا الانتقاء الجميل ..