...‘‘‘‘ على طاري صباح الورد,...‘‘‘

على طاري صباح الورد, وإسمك, والحلا والذوق
ذكرتك يااجمل أحلامي , بقافي واستهليته

على درب القصيد أسوق , قلبي والخطاوي شوق
وإذا مالت بي الخطوه , على دربك تنآسيته

يهز الشوق بأعماقي , عناقيد الغرام عذوق
ويقطف بالغلا فيني , غرام(ن) خنت وأخفيته

أحبك كثر ما يشعل , غرامك في حشاي حروق
وشبٌه زود لو يحرق , ضلوعي مت ما اطفيته

أحبك دمعت(ن) طاحت , على خد الصباح اشروق
يموت النور لو طاحت , على كفي وضميته

أحبك , إيه أحب إسمك .وأموت بجيدك المنتوق
و تخيل كثر ما أكره صدودك , قمت حبيته

تموت من البطا غيمه , طعنها من جفاك بروق
وغشى روض الحشا وسمي , جفافك وإنت ما ارويته

رحلت , وما بقى منك سواك إنت , و عنا مفهوق
عنا ذاك الربيع اللي , غشاني ما تمنيته

تعال , إجرح على كيفك , تربع واستحل عروق
تدلل والبساط أحمد , وأنا لرضاك مديته

قم إسهج لآخر ضلوعي, تغلغل داخلي برفوق
حلالك ما بقى مني , مع اللي لأجلك أفنيته

من اللي من غديت أجمل قصيدة ما غدا له ذوق
ومن اللي كتب باسمك قصيده وانكسر بيته

وربي , من كتبت إسمك وبروزته بقلبي فوق
وأنا ما دار في بالي , قصيد ما تحاليته

دخيل الدمعتين اللي, غدت منها الخدود شقوق
ترفق سامحك ربي , على قلب(ن) لك أهديته

إذا لك حق في قلبي , فأنا لي في غلاك حقوق
و حقوق الشوق محفوظة , وحدي ما تعديته

يذكرني صباح الورد, وإسمك , والحلا والذوق
وأردد يا ( أجمل أحلامي ) بقافي يوم هليته ..

مساء الخيرات
من طول الغيبات جاب الغنايم
^_^
أبيات جميلة
ألف شكر لكِ

ياسلام ياسلام
ابيات جميلة ورائعه
متميزة في طرحك
يعطيك العافية

سلطان النصر مسساء الورد
والارووووع مرورك العطر لصفحاتي

لا خلا ولاعدم من هالطله الحلووه

جوجل الارووع تواجد المستمر بصفحاتي
لا خلا ولا عدم من هالطله الرائعه

الله الله علئ هذا النص الجميل الف شكر لك اختي على هذا النص ولاهنت...

شاعرنا الكبير الف شكر مرورك العطر لصفحاتي
لا خلا ولاعدم
من هالطله الحلوه

الله الله
على هالنص الشعري الرائع والذوق .. صراحه احسنتي اختى
الانتقاء وهذا يدل علي ذائقه شعريه رائعه يمتلكها فكرك الراقي
تقبلي وافر التقدير
ضامي بطولة

شاعرنا الكبير ضامي بطوله
الف شكر مرورك العطر لصفحاتي
لك وافر التقدير ع هالكلمات والتي تعتبر وسسام ع صدري

ياسلآاام على الأختيار الجميل فعلا..
لله درك يالنصراويه..دائما متألقه ماشاء الله عليك..

ماجد السلماني الف شكر مرورك العطر لصفحاتي
لا خلا ولا عدم
من هالطله الحلوه