مساجله بيني وبين ال فطيس-حمد,محمد-نتمنى ان تعجبكم

الموضوع واضح من العنوان.
بداية المساجله:
كان فيه بيت مكتوب على الجدار وقراه محمد بن فطيس واعجبه فرد عليه وبدأت المساجله.
يقول البيت:
إعلان للي ما بعد جرب الحب--يترك طريق الحب قدر استطاعه
فيه الهنا ياتيك ساعه ويذهب--وفيه العنا ياتيك في كل ساعه.
قال محمد:
إعلان للي ما بعد جرب الحب--يسلك طريق الحب بس بشجاعه
فيه الوفا والغدر والصدق والكذب--وفيه الفراق وفيه شوق اجتماعه
حظك على حظك تشجع وجرب--إن صبت ولا غير تاخذ مناعه.
قال حمد (والد محمد):
إعلان للي ما بعد جرب الحب--يترك طريقٍ ما يجوز إتباعه
مع الرجا والياس والخوف والذنب--إن دام وصله ما ومنت انقطاعه
شيٍ غريبٍ شاع فالشرق والغرب--تركه قلاعه وإتباعه قلاعه.
قال نصراوي العصر:
إعلان للي ما بعد جرب الحب--يسلك طريقٍ جد صعب انقطاعه
فيه الكلام الزين والشتم والسب--وفيه الحلو وفيه مر الجراعه
وإن كان ما تقدر على الحب جنب--درب تحصل به فنون اللكاعه.

...وسلامتكم

مشكوووووور والله يعطيك الف عافيه

ابياااااااات رائعه
يعطيك العافيه اخوي على الطرح
لاهنت

كفوووووو ياولد العصر

وصح لسانك

ما عليكم زوود ومشكورين على الاطراء الجميل

صح لسااانك واعتلى شانك

ابيــــــات رائعه ..بأنتظار المزيد من ابداعك

الله يعطيك العاافيه ..