قـصتي مع المرور ++ راشـد وطــلال ورابــح في حفلة مشتركة للنصر++اشتقت له ياناس ##

ماجاني النوم ...من شوقي للاصفر ...

فيني شوق يقطع شراييني ... هو بس انا اللي اشتاق ولا انتم اشتقتوا ؟؟
هو بس انا اللي احس ولا الكل حاس ..!
استلقيت في فراشي وسار بي عقلي الى ذاكرة قلبي
فوجدت في داخله ذكريات كثيرة ..
تصفحتها فاذا كلها تتحدث عن عشقنا وحبنا
نصرنا العظيم


فاحببت ان اطلعكم على احد روايات العشق التي امر بها ويمر بها اغلبكم في كثير من الاوقات في مواسم المباريات ...
اترككم مع ذكرياتي ...




....في ليلة المباراة ...اروح احاول انام مبكر عشان اكون شبعان نوم ...اصحى الصباح واروح للدوام وبالي في الرياض ..وفي الملعب وفي النصر فقط ....

اخلص من الدوام ... وارجع وابدل ملابسي والبس التي شيرت الاصفر ..وآجمع كل الشالات والاعلام وازين بها حبيتبتي العزيزة كامر ي اشغل واتصل على العالمي رفيق دربي وآخذه معي واحرك للرياض ...

وطبعا تروح للنصر اكيد بتروح بولع وتكون مسرع يوقفك التفتيش في صلبوخ ..يقول لك رخصة واستمارة <<يعني وقف على جنب
بس يشوفك عالمي ويطق لك التحية ويقول تفضل عشانك نصراوي

وتستمر في طريقك ..توصل الرياض بعد ساعة وربع ..وتوقف عند (ماك) وتتغدا ..وتكمل للملعب على العصر ...تدخل الملعب الناس برا مكتظة ويشترون تذاكر واعلام ..واغنية الهمة تصدح في كل مكان ..
ويجيك واحد مشغل احبك يانصر والله احبك
..والثاني خاش الجو مع رابح ونصراوي ...نصراوي ..


والكل جاي بحب وعشق للاصفر ..وقتها محد يفكر في ادارة ولا اعضاء ولا مشاكل الكل يفكر من بيسجل ..النصر بيفوز ولا ينهزم !!
وتدخل الملعب وتجلس مع الجمهور كل واحد تجلس جنبه كانك تعرفه من سنوات ..وانت ماتعرفه ابد ...بس تعرف انه يحب النصر وبس وجمعكم هالحب ...

تجلسون تناقشون امور النصر والفريق كيف بيلعب وتشوف تحليل كامل قبل المباراة لكنه تحليل مطول من العصر يبدا ....

يجي وقت الصلاة وكل واحد يقوم هو واخوياه ويجلس واحد يحجز لهم او يكلمون اي واحد يحجز لهم ...لانهم كلهم اخوان وحبايب في الاسلام اولا وفي النصر ثانيا ويرجعون

...ويبدا المدرج يتعبى وتمتلي الواجهة ويدخل الفريق وتتعالى الاصوات بالتشجيع والملعب يرتج بكل الاهازيج ...والشالات ترفع والاعلام ترفع ...والصخب يعم المكان ...
بعدها..يأذن العشاء في الملعب وتهدا كل الاصوات لتستمع للاذان

اللي مقيم يروح يصلي العشاء والمسافر يجلس بما انه جامعها مع المغرب<<وهذي النقطة يغفل عنها الكثير من الناس ويظنون ان الجمهور لا يصلي

يرجع الجمهور من الصلاة ...وتبدا الاعصاب في الشد ..
ويبدأ المذيع الداخلي بذكر اسماء الفريقين ...

النصر السعودي من الرياض هييييييييييي :

فريق...............من.... .......... هوووووووووووووووووووو:bor edom:.

تشكيلة نادي النصر

ويبدأ بذكر اللاعبين والمدرج يهتز من قوة الاصوات ..المشجعة لنجومها

تشكيلة ............

وتسمع صيحات الاستهجان لأي فريق مهما كان

ويدخل بعدها اللاعبون ....ويتعالى صوت الجمهور هولي هولي هولي
هولي هولي ..وتسمع الاهازيج والتشجيع والطرب النصراوي بقيادة حقوي ..


كلهم من اجل النصر فقط
من اجل الشعار والكيان لا يفكرون بفلان ولا علان

فقط للنصر

تبدا المباراة ويعم الهدوء ...وتسمع بعد كل فترة تصفيق او تصفير على حسب ما تؤول اليه المباراة
والجمهور يتفاعل مع كل هجمة ويصرخون فرحا بالاهداف ويرقصون طربا لها ...
وتشاهد السكون والضيقة تعم الجماهير عند ولوج اي هدف على النصر
حتى تنتهي المباراة والعالمي قد انهاها بالفوز ...ويفرح الجمهور وترفع الاعلام وتبدأ الاصوات في الارتفاع ويخرجون مسرعين للفرح بالخارج ..بعد الفرح مع النجوم

هذا يرقص والآخر يغني والآخر يصرخ ..كلهم فرحين من اجل هذا النصر
للنصر


الى ان يصلوا الى سياراتهم ...وتسمع راشد ورابح وطلال كلهم يغنون للنصر ...في حفلة مشتركة ....ابطالها جمهور الكيان جمهور النصر

ويخرجون من السيارات وتسمع المنبهات ...والصيحات ...

وبعدها يتجهون جميعا سوية في مسيرات الفرح ...


الله الله الله ما اجمله من شعور تملكني وتاق قلبي اليه واشتاق


......................



لحظات تذكرتها ودمعت عيني شوقاُ لها ...\\


عــــد يانصر الى ديارك فنحن مشتاقون اليك ....

عد يانصر ولكن هذه المرة عد وكلك عزيمة لتفرح هذا الجمهور المتولع المولع فيك وفي حبك

عد يانصر وامتعنا ...وافرحنا واسعدنا

عد يانصر وستجد المدرجات ممتلئة ابتهاجا بحضورك

عد يانصر وسنحضر من اجلك ...لن نهتم بمشكلة فلان ولا معضلة فلان
مايهمنا هو انت ...نعم انت ايها الكيان ....

عد يانصر فقلوبنا بك مستبشرة . . . . متفائلة ...

عد فنحن بانتظارك . . فقد طال انتظارك والصبر قد سئم منا ولم نسأم منه

عد يانصر ... فنحن قد اشتقنا للعالمية .. واشتقنا لنصر النجومية
فما انت فاعل لنا في هذا العام وماذا تخبئ في داخلك لنا...





أحبتي ...بعد هذه الجمل التي خرجت من عاشق لهذا الكيان اشتاق وتاق للقياه ..
لاشك ان كل واحد منكم اشتاق لهذه اللحظات وتاق قلبه لها
هنا اكتب ما تحدث به قلبك وعبر عن شوقك لنصرك ....

بانتظاركم ياعشاق


أحبك يانصر والله أحبك

عيشتني والله الجو

يالبيه يالعالمي ويازين مبارياته وطعم فوزه وتشجيع جماهيره

شكراً لك يالغالي وتسلم يدك على الأحرف الجميله

اشكرك

اشتقنا للعالمي

ان شالله نشوف مباراته بكره مع لاتسيو ونستمتع

ياالله مره شي يالبى النصر يعطيك الف عافيه اخوي سعد1 وربي وحشني العالمي وحشني جمهوره

موضوووووووعـ رائعـ جو خياليـ.. يعنيـ بالفعل جو جماهير النصر غير اي جو ناديـ ثانيـ
مشكووور على جهدكـ المبذولـ في ايصال احساسكـ با الولعهـ والشوقـ وتغطيتكـ لأحداثكم قبل المبارياتـ ونقلها لنا هنا... سعد1 تقبل مروريـ ولكـ خالصـ.. شكريـ.. وتقديريـ،ـ،ـ،ـ.