يــحــفــظــك الـلـه يـا مـلـكـنـا...

يادرا لك من شعبك الوافي ولا=حبٍ تسامى بين شريان ووريد
حبك جرا فاجسادنا عشق وغلا=وعز الوطن عزٍ لنا والله شهيد
فقلوبنا تبقين يا شمس العلا=غلا يورثه الكبير الى الحفيد
ظلٍ لنا وانتي ملاذ لمن جلا=ولا بيننا باير الى يوم الوعيد
كل القصايد ياوطن تكتب على=صفحه من التاريخ والمجد التليد
اكتب وفكري قبل لا اكتب تلا=ياموطني ما تكفي حروف القصيد
لكن انا لو ما كتبت ما سلا=قلبي ولا ينِّسني الشعر الجديد
لعيون شعري هاجس الشعر اعتلا=هام السحاب وطاول النجم البعيد
هلها هل الغيره على الدين والى=حان العسر,, صارو لها السور الحديد
يالله تحفظها من عيون الملا=وتعزها يالواحد الفرد المجيد
محبة الديره وحاكمها عدلا=ولانساوم في غلاهم او نحيد
لا بيننا خاين ولاحاقد ولا=من يزرع الفتنه عسى داره بعيد
كلٍ يقول الله يكفيها البلا=وان جا البلا قدم لها روحه شهيد
نفخر بها ولاعدم ولا خلا=وياديرة الطيبه عسى فالك سعيد
الله يديم العز ويديم الولا=في ظل ابو متعب عسى عمره مديد.

وسلامتكم جيمعا وترى الموضوع موجود في القصيده والدقيق اللي بيطلعه....
من ابياتي...

مافهمت وش تقصد خيو
بس كلمااات رائعه
وصح لسانك
ويعطيك العافيه
لاعدمناجديدك
ودي لروحك

ياموطني ماتكفي حروف القصيد
او
يـاديــرة الـطـيـبـه عــســى فــالــك سـعـيــد

اظن هيك

اختي حطموني البشر شكرا لك على المشاركه ولكن للاسف ما دليتي لانه الحروف نصاً موجوده في القصيده (حرف حرف) اها...

تسلم وصح لسانك
لكن وش المطلوب اننا نطلعة
تكفى غششنى

المشاركة الأصلية كتبت بواسطة نصرمكة

تسلم وصح لسانك

المشاركة الأصلية كتبت بواسطة نصرمكة

لكن وش المطلوب اننا نطلعة
تكفى غششنى

صح الله بدنك والمطلوب هو ان الموضوع موجود في القصيده والبطل اللي يطلعه283): اما اني اغششك ..هاااه ..عاد انت المعزب لكن ما عليه دور مع الشباب.

اتوقع هذي البيت

الله يــديـــم الــعـــز ويــديـــم الــــــولافي ظل ابو متعب عسى عمره مديد.

صح لسانك اخوي نصراوي العصر
يعطيك العافيه على القصيدة الرائعه
دائمابنتظارجديدك بكل شوووق

كــــل الـقـصـايــد يــاوطـــن تـكــتــب عــلـــى صـفـحـه مـــن الـتـاريــخ والـمـجــد الـتـلـيـد

مامن دقه

صح لسانك اخوي
كلمات جميله
ويعطيك العافيه

شكرا للجميع على المرور ولاهنتو ولكن الظاهر ما فيه عنده حاسه سادسه عاااد انا بكرا ابعلن الحل يعني اليوم اخر يوووم...

والله كنت ادورالبيت يضمن الموضوع بس اطلعت غيركذا
ماشاءالله عليك اخوي مبدع بمعنى الكلمه
خيرهابغيرها
يعطيك العافيه