يابنت ياللي ماستر راسك الشال

ابداع عبدالكريم الجباري وحبيت انقل لكم

هالابداع واتمنى انها تحوز علي اعجابكمـ

يابنت ياللي ماستر راسك الشال

وبزعمك انك من كبار العوايل

أنا بقول الحق والحق ينقال

اللي تستر هي بنت الحمايل

ماهو في كشخه وخاتم وسلسال

الستر لعيال الحمايل دلايل

يابنت لو قلتي لي المهر بريال

والله فلا اعنز عليك السلايل

والله لااخطب اللي على راسها جلال

لو كان مطلبها ثمانين حايل

انا ليا مني خطبت أبغي عيال

أبي العيال اللي تشيل الثقايل

وليا خطبت أختار لعيالي الخال

والدين عندي هو سيد الفضايل

قالت قسم بالله ماشفت رجال

مثلك بغى حجر السنين الاوايل

قلت الصحيح يصح لو مرت أجيال

ركب الكدايش غير ركب الاصايل

ماهو بذنبي ماعرفتيلك رجال

ذنب الزمن خلا النشاما قلايل

ولاني بلا رجعي ولا جيت خيال

ولا شايلن سيفي وصايل وجايل

إنسان متعلم ومن ناس عقال

وفتحت عن نهج الحضارات فايل

أنا حضري ماني بنازل ورحال

لو أن ربعي بين ضلعان حايل

وأنام في بيت ومكيف جنرال

وأسوق سياره وعندي موبايل

ترا البداوه فعل ماهي بالاشكال

والسلم مانرضى عليه البدايل

وتبعت سلم العود وأصبحت وبال

ونقيت لي من الذود دق وجلايل

الطيب لاأهل الطيب يبقاء ولا زال

وأعرف سلوم الطيب والشك زايل

ولا شفت انا عقال السناعيس ميال

غصب عليه عقال راسي يتمايل

السالفه ماهي بتمييلت عقال

السالفه دمٍ بها العرق سايل

يابنت دام الدم بعروقنا سال

كلٍ على عقله من الفكر شايل

لكن لو قلت لي المهر بريال

والله فلا أعنز عليك السلايل



الشاعر عبدالكريم الجباري

ابيات راائعه راق لي
اشكرك يالغلا ولاهنتي
ع الطرح الممميز منك
ودي,

يسلمووو غاليتي ع المرورالرائع في متصفحي

يّعَطٌيّك أِلَفُ عَافُيّهِ عَلَى الَإنتًقآء الَرٌائعَ

طًرَح رٌآئٍع كـ رٌوِعَة حًضّوِرٌكـ

تسلم يمينكك ع التميز المستمر ويعطيكك الف عافيه لاخلا ولاعدم

صح الله لسان الشاعر الكبير عبد الكريم الجباري ولاهنت على النقل....

الله يعطيكم الف عافيه ع المرور الرائع ي لغلا

قصيدة رائعه يعطيك الف عافية نصراوية على طرحك المميز
تحياتي لك
جوجل

من أجمل قصايد الجباري
ألف شكر يال الحجازية
^_^

شاكرهـ لكم حسن المرور ي لغلا