دخلت قلبي دون رنّات و أجراس

و لازلت أشوفك وين ما حط ّ عيني


أنت الغلا يا سيّد الخلق و الناس
و أنت السوالف بين نفسي و بيني


شفت المياه إشلون تنصب بالكاس
الكاس عمري و أنت موية سنيني


دخلت قلبي دون رنّات و أجراس
و تستاهل إقلط دام روحك تبيني


أسّست لك بالقلب مبنى على ساس
بنيته إبحبي و أساسه حنيني


تدري صدور الناس بالحب تنحاس
و تدري بصدري حب محتاس فيني


مثل الشجر لا طاح من ضربة الفاس
بالحب أحس الضرب دايم يجيني


و حبك يجيني شعر و أكتبه بإحساس
و أنشره للعالم و لك يا ضنيني


و الله لولا الشعر و أوراق كرّاس
ما صد ّ عنّك و أتركك ترتجيني


أنا تسلّفت الجفاء رغم الافلاس
و اليوم تم ّ و حل ّ تسديد ديني


عقد ٍ نظمته لك بأصابع يديني
و إعرف ترى شعري مع الوصل حسّاس


بالبعد بس ف بعدنا يهتويني
و إلا أنت بالخاطر و مشغل لي الراس
ومن وين ما ناظرت.. زولك بعيني

مماراق لي

ما اروعععععععععععك

حياك الله اخى..

راق لي مما راق لك اشكرك

منورة اختى الفاضلة.,.

يعطيك العاقية..

و حبك يجيني شعر و أكتبه بإحساس
و أنشره للعالم و لك يا ضنيني


رائع راق لي مثلك
أبيات رائعة من قلب
يعطيك العافية على النقل
بانتظار جديدك
تقبلي مروري
أسيرة

تدري صدور الناس بالحب تنحاس
و تدري بصدري حب محتاس فيني

ابدااااع غير مستغرب

متميزه دائما دندونه في انتقائك

اللع يعطيك العافيه

يعطيك العافيه استاذتي دانه على روعة ابداعك
وجمال انتقاءك .. تحيتي
ضامي بطوله