يا ابعد دروب اللقاء واقرب ميول

يآ آبـعـد دروب آللقآء وآقرب ميـول

علّمي وجه الزمن .. معنى الذهول !
.......................... لاحبستي .. صبعك إبفمّك | خجل

دام روحك أرض و أنفاسك سيول !
.......................... من يلوم الورد .. لو فيك أحتفل ؟

الحكي : في مبسمك .. طفلٍ كسول !
.......................... نامت أمّه : يوم شاورها .. الملل

تشرقين / يذوب من ضيّك ~ عذول !
.......................... تغربين .. يفزّ بعيوني / الكسل !

من برودك .. يشتعل جمر الفضول !
.......................... في إشتعالك .. ينجلي برد الزعل

يـ| أبعد دروب اللقا و آقرب ميول !
.......................... يـ آول سنين العمر وآخر فصل

لا تغيبي لييييل مضنونك .. عجول !
.......................... وش يهدّي الشوق لو عنّك سأل

بي من الديم الندي .. حُب النزول
.......................... للبشر / للرَمل الأسمر / للأثل !

شخص يبذر طيبته .. حبات فول
.......................... بأرض جردا كل ما فيها انقتل !

عادت الأيام تفعل .. ماتقووول !
.......................... وعادتك يالريح \ تطفين الأمل !

أشعر إني والشعور أعظم / رسول !
.......................... تاه إيدوّر في بلاد الله [ وصل ]

ماإشتهيت أتبعك .. حشّمت الحمول
.......................... مو مشان ألقاك .. من شاني رَجل

أصعب من التضحية | غصّة خجول
.......................... ضاع بين الصمتّ و قيود الأهل

إيييه وينك .. مابقى للصبر زول
.......................... ذبلت آمالي .. و غطّاها الرمل !

سهله أرحل .. خلفي الضيقه خيول
.......................... صعبه أبقى مادرى بي كود / ظل
.......................... صعبه أبقى مادرى بي كود / ظل

ناصر بن حسين

صح لساانك ومااقصرت
مشكوووووور والله يعطيك الف عافيه
دمت بود

صح الله لسان الشاعر وكل الشكر لك اخوي على النقل ولاهنت.....وبانتظار الجديد من قلمك اخوي لك الود والاحترام والى الامام....