روس المعالي بالتمني ما تجيه ..

ياللي تقيسون السعادة من تبسّام الوجيه
كم بسمةٍ تخفي وراها هم ودموع وقهر

بعض الظروف تقيّــــــد الرجال وتـــكدّر عليه
أما مرض وإلا هجر وإلا بعـــــد دين وفقر

مير الذكي لا شاف ربي بالمصايب مبتليه
لا يشتكي للناس همه ويتسلح بالصبر

ياللي تحسبون التعاسة عند أبو وجهٍ كريه
كم واحدٍ وجهه غضيب وعيشته عيشة زهر

من خلقته يرقد ويشبع نوم بين أمه وإبيه
ريحانةٍ تشرب قراح الماء على جال النهر

معبّسٍ وجهه وإلى منك نشدته ويش فيه؟
تحصّل اللي به دلع وإلا ثقـــل نفس وكبر

يالآدامي دنياك ما تمشي على ما تشتهيه
حاول تكيّف مع ظروف الوقت و صدوف الدهر

لا تـــامن الدنيا ترى الدنيـــا متاعٍ مقتفيـــه
موتٍ محقق والنهاية يا ابن آدم للقبر

واللي يبي روس المعالي بالتمني ما تجيه
إما يدوس الصعب وإلا في حضيضه ينثبر

ومن لا بذل وقت الرخاء للناس ما تملك يديه
لا ينتظر فزعة رفيقه لا تدهور وانعثر

ومن يبذر المعروف تبقى بذرته لين يحديه
وقته وإلى منه بغاها قام يجنيها ثمر



أثار الأعجاب فقط

فعلآ يثير الأعجاب كلمات رائعة
سلمت يداك استاذي الغالي اصرار
والله يعطيك ألف عاافية

شاكر حضورك الحلو يالغالى

تقديرى