نعم بدو كان البداوه غدت عيب//وكن ذي عذاريب البدو قابلينا,,

السلام عليكم ورحمة الله وبركاته







حنا بدو يمكثرين العذاريب..

وحنا هل الناموس ياجاهلينا..

حنا ولدنا لاظهر كنه الذيب..

يضحك حجاجه لا لفو الغانمينا ..

والعود لامنه كسا وجهه الشيب..

يزود قدره كثر زود السنينا..

وماحن نهوز قصيرنا بالمشاعيب ..

بالعكس الطفبه من ام الجنينا..

خوينا نسقيه حلو المشاريب ..

ولو مهتنا حنا ترى مهتنينا..

وحنا ليصار الطلب والمطاليب..

مروين حد مصقلات السنينا..



حنا ليا كثرت علينا المشاغيب ..

نصبر عليها لين ربي يعينا ..



وحنا ليا شدنا فروس المشاديب..

فوق العلالي مثل اسود العرينا..



وحن لاهرجنا مانعرف الاكاذيب..

يعيـبنا هرجـن بلـيا يقينــا..



وحن ضيفنا يلقى كثير التراحيب ..

ونسقيه من صفر الدلال الثمينا..



من عقب ذا نطيبه من غالي الطيب..

ونفدغمه فطحت خروفن سمينا..

صحيح حن نتبع هوا شمخ النيب ..

ممشا معاها عز يـا نـاقديــنا..



هاذي عطايا الله حرش العراقيب ..

عز العرب ياللي لها ناكرينا..



من بنا الطياح ام الدباديب..

اللي بها عشب القفر قدر عينا..



تبرا الحيرانن صغارن حباحيب ..

سودن اذانيها كما شلفتينا..



من لامنا في حبنا لفطر الشيب ..

جعله فدا لمهجرعات الحنينا..



ماتعيبنا سود البكار الحنازيب..

مدام نعطي حقها اللي علينا..



هاذي صفات البدو واهل المواجيب..

بياعت الغالي على المشترينا..



(( نعم بدو كان البداوه غدت عيب

وكن ذي عذاريب البدو قابلينا))

ابيااااااات راااااائعه



وانتقاء راااائع ومميز ... ياسفيره



لاعدمنا جديدك

صح لسسسسسسسسسسسسسانك

ويعطيك العافيه وابيات رائعه

تسسسسسسسلم يديك :$

حنا بدو يمكثرين العذاريب..
وحنا هل الناموس ياجاهلينا..
يسلموو,,صح لسانك كلمات رائعه..

يعطيك العافيه يالغلا
ابيات رائعه
تسلم اناملك على النقل الجميل
لك ودي واحترامي