قصيدة الماسنجر للشاعرة شجون قصيده مؤثرة جدآآآآ

قصيده الماسنجر

ياللي تنشديني ورى خاطري شين
وشلك بتقليـب الهمـوم الدفينـه

لو الجبال الصم تسمعنـي الحيـن
يمكن تصدع من بكـاي وونينـه

انا ضحيه عام تسعـه وتسعين
انا ضحيـه عولمـه يـا فطينـه

بدايه القصه قبـل خمـس سنيـن
يومي دخلت النت واحكـم كمينـه

قلت اتسلى كلهـا يـوم ويوميـن
واشبع فضولن يسبق الجيم سينه

بديتها يعنـي ثقافـه وتحصيـن
وانهيتها وسط الماسنجر سجينـه

هذا يكلمني عن الرمـش والعيـن
وهذا يقول انـه شـراع السفينـه

وهذا يقول الحب يا شاطره زيـن
وهذا يجيني وسط نغمـه حزينـه

عادي ولكن شخص واحد من الفين
كنت اعتبر نفسي لنفسـه رهينـه

يرفع شعـارات القناعـات لديـن
يلبس ردى من الرضى والسكينـه

له فلسفه تقنـع محاكيـه باليـن
اقنع اذا قـال الصحـاري نديمـه

كنت المسه غيمه واشمه رياحيـن
كنت اسمعه صوت الاذان وحنينه

اشوفه ركوع الطهـار المصليـن
اتذوقـه رقـي الشيـوخ الثمينـه

لكن نفس الشخص هذا بعد حيـن
من التفاهه صـرت لعبـه يدينـه

شاطر لعبها صح واستاهل البيـن
كنت الغبيه التافهـه المستهينـه

هذا نتاج اللي نصـب بالسكاكيـن
يسيل دمه مـن مضـارب يمينـه

شوفيني وعمري وصـل لثلاثيـن
حيه واحس انـي بقبـري دفينـه

هذا الماسنجر وش بعد منه ترجين
شيليه قبـل انـه يطالـب بدينـه

اخاف من يوم يجي خاطرك شيـن
واصير احرك بك مشاعر حزينـه

منقوله للفائده

نص رااائع ونقله اروع
وسلمتي يمناااكي خيتو على هالاختيار
وبشوق لجديدك ..
عوافي

يعطيك العافيه
ابيات رائعه
تسلم اناملك على الطرح الجميل
لك ودي واحترامي

مشكوووووور والله يعطيك الف عافيه

سلمووحبيباتي على مروركم الذي اسعدني كثيرآ

عوافي على الطرررررررح الراااااائع والمميز يا{{لووولي}}}

ولكي مني اجمل تحيه لابداعااااتك بطروحااااتك الحلووووووه

يسلمووخيو على مرورك ,,كل الشكر لك