اهل رديه ولكن ذا المره مساجله وصحيح لا قالو الكبير كبير..

هذه المساجله بين اثنين من اكبر شعراء المحاوره في السعوديه,, والمساجله عباره عن عتب على الساحه الشعريه لأشباه الشعراء للاسف مع إحترامي الشدييد للجميع..
المساجله بين الشامخان (إبراهيم الشيخي,سلطان بن وسام)
يقول الشيخي:

انا لي سنه ما شفت سلطان بن وسام=وحول السنه بيني وبين اتصالاته
ما غير اخذ اخباره من الناس والاعلام=واقول الله الله كلما غنوا ابياته
عرفته صديق وراس مال وذرا وحزام=وشاعر يشوش الراس من طيب وقفاته
والانسان ما تغنيه شهره وطرد الغام=عن الجود في يمناه والطيب في ذاته
عز الله ان الهاجري شاعر ومقدام=وتطرح على مشذوبة المجد راياته
على نهج ابوه ونهج جده سعد قدام=وورث من حياة العود حتى حركاته
ما هو خاملٍ ما ينحسب لن قعد وإن قام=هذا شاعرٍ تثر على الشعر غيباته
ذكرته وهو في موقعٍ غربي الدمام=وانا في بحر جده وراسلت موجاته
بعد شفت من يفتل وينقض بدون نظام=ولا موجده فالساحه الا علاقاته
يا سلطان كم نبني وكم يهدم الهدام=وشعر العقل فالكون ضاقت مساحاته
يعيّفك في بعض المحافل ضعيف عظام=هزيلٍ تخاسر فيه سكينة الكاته
سكوتي عن الجاهل يطول حياتي عام=ولا اخسر حياتي كلها في مجاراته
وعز الله انك يوم جنبت ما تنلام=غيابٍ يطول ولا حظورٍ بعثراته..

رد سلطان يقول:

تهيضت يابراهيم والمسلمين صيام=واوحاك المصلي وانشغل عن صلواته
عذوبة قصيدك حطمت مجمل الارقام=الى درجة كلن يبي يسوي سواته
رغم ما يشوب الفن في تالي الايام=ورغم ما زحم سوقه وضيّق مسارته
ومهما تغنى فيه حتى لحون اريام=ورغم كل ما لا فيه وده ولا هاته
إذاً انت يابراهيم تاج وفخر ووسام=على الشعر واسم الشعر في كل حالاته
وردت وشربت وفيه غيرك رجال حيام=من اعذب موارد دجلة الشعر وفراته
ولكن ابا اوصيك بامرن مهم وهام=يقولون من وصاك يلزمك بوصاته
أذا جيت مستور العصيمي فقول شمام=يبلغك ابن وسام خالص تحياته
ومر الزلامي فيه ليله يصلي قيام=عسى الله يمهل له ويقبل حسناته
وملفي وابن ريفه وزيد وسلام اسلام=وحبيب وابن عياد يفتل شنباته
وشاعر جهينه راعي الغتره البسام=وسبحة زمرد من يدينه لمخباته
وعرّج على قبرٍ نزل في ذراه العام=عزيزٍ خذاه الموت والخلق مواته
لحظات الوداع مكفنينه بقطعة خام=وقفّيت عنه وخاطري فالتلفاته
وقبل لا اختم الطاروق ويجفّن الاقلام=وقبل كل شاعر يحتسيني بشرهاته
إذا الاعمده ما تنهض البيت للامام=مايبريه جاهل ما يعرف اتجاهاته
وتم الكلام وما بقى غير الاستختام=من الورد والريحان عطره ولفحاته
اسلم عليكم كل ابوكم سلامن عام=وعلي السلام ورحمة الله وبركاته

وانا بعد مني عليكم السلام ورحمة الله وبركاته واتمنى اكون اعجبتكم بالنقل...

يسلم ايدك على هالنقل المميز
الله يسعدك يااامبدع

دوووما عاهدتنا على ابداااااعك وهاانت مبدددددع يفووووف الوصوووف

الله يسعدك

وددي قبل ردي

صح لسانك..
خيو"نصراوي العصر"يعطيك العافيه على النقل..

ابيـــــــات رائعه

يعطييك العااافيه نصراوي العصر على الطرح الراااقي

دومت مبدع كمانت ..لاعدمنا جديدك

حيياكم الله جميعا مرور جميل كعادتكم شكرا للجمييع...

يعطيك العافيه
طرح رائع
تسلم اناملك على الطرح الجميل
لك ودي واحترامي

صح لسانك

الله يعطيك العافيه