قدر الله وماشاء فعل وعسى ان تكرهو شيء وهو خيرلكم ياجماهيرالنصر

بسم الله الرحمن الرحيم الرحيم

السلام عليكم ورحمة الله وبركاته ,,

اخواني واخواتي جماهير النصرالكبيره

طبعا تمنينا ان يظهر الفريق امس بالمستوى المطلوب والروح المطلوبه لمثل هذي المباريات لكن ما الله كتب والحمدلله على كل حال

ياجماهير النصر الكل يقدر حرقة دمكم وقهركم وبكل امانه ماينلام الجمهورمن المستوى اللي ظهر فيه الفريق امام الهلال امس ومباراة القادسيه والشباب من قبل

اللي بتكلم فيه وهو انتقاد الجمهور لبعض الاعبين مثل بيتري - ماكين - الدوخي - فيقاروا او الفريق كامل

يشهد الله اني اول من ينتقدهم واتمنى فراقهم من النادي اليوم قبل بكره ويعطون بعض الاعبين الافضل فرصه بدال جلوسهم بالاحتياط

لكن اذا بناخذ الموضوع بالعقل والمنطق مستحيل انهم يطلعون من النادي قبل فترة الصيف يعني نهاية الموسم

كل اللي اتمناه من جمهور النصر يكون عندهم امل اقوى بالفريق لانه مثل ما انتم عارفين المباريات الجايه هي خلاصة الموسم بالنسبه لنا

الدوري / لازم نكون بمركز يأهلنا نلعب الموسم الجاي باسيا خصوصا ان المنافسه الحين من الاتفاق والشباب والنصر على هالمركز

بطولة اسيا / بدايتنا كانت موفقه وان شاء الله يكون تقدم اكثرعلى الاقل نوصل لدور الـ 16 لانه اذا وصلنا لدور الـ 16 بيكون نهاية الموسم بالنسبه للنصر فيسمح لهم بتسجيل لاعبين اجانب ومحليين واحتمال جهاز فني جديد واتمنى من ادارة النصر دعم الفريق بالاعبين اللي يحتاجهم وعلى مستوى عالي

اعيد واكرر النصر محتاج لصبر جماهيره ووقفتهم معه يمكن غالبية الجمهور مل من هالكلمه ومل من الصبر لكن صبرنا على الاصعب من هالشي

صبرنا على فريق بموسم 2007 نافس على الهبوط وعلى اشباه لاعبين مع ذلك كنا نشجعهم ونساندهم

عندنا الحين افضل العناصر اللي كل فريق يتمناهم لكن نحتاج لشغل اكثر حتى يوصل النصر للفريق اللي يتمناه ادارته وجماهيره

ننسى مباراة الهلال لانه مهما فكرنا فيها الزمن ماراح يرجع لورى ويتغير شي

قدر الله وماشاء فعل وعسى ان تكرهو شيء وهو خير لكم

ممكن هالخساره تكون قرصه للمدرب وللاعبين على ان يعوضو باسيا ان شاء الله

قدامنا مباراة مهمه يوم الثلاثاء لازم نساند الفريق فيها

كل التوفيق للنصر ولجماهيره الوفيه

م/ن

يعطيك العافيه شكرا ,.

تحياتي لك علي النقل

قدر الله وماشاء فعل

ومعوضـــين بالجاي ان شاءالله

يعطييك العاافيه طبعي الوفاء

الحمدلله على كل حال والمؤمن كل امره خير ان صبر وشكر في شده وان شكر وحمد في رخا
الله يجزاك الجنه ياااااااااااااااارب على هالكلمات الراقيه

دائما مبدعه اختي طبعي الوفاء الف شكر لك على النص والله يوفق نصرنا في المباريات القادمه...

اوووووووووه يااختي يسلم قلبك الطيب

موضوعك رررائع وجميل

وقدر الله وماشاء فعل وعسى خيرها يارررربي

عوافي اختي ودووم مبدعه في طرررحك

والله يوافق النصر في بقي مباريات

ويعطيك الصحه والعافيه