قالوا تحبـه !!!

قالوا تحبه..قلت ماهو بالحيل
بس انه اغلى شوي من نور عيني
يسوى جميع الجيل الاول وهالجيل
أحبابي الماضين والمقبليني
شوقي له أعظم من ظما الأرض للسيل
وأشفق عليه أكثر من أم الجنيني
واحتاج له حاجة ثرى مصر للنيل
وعليه أغار ولو من ما لوالديني
اشتاق له شوق المحبين لليل
وارتاح له راحة دموع الحزيني
لا صار جنبي لو سنه وقتي بخيل
ولا غاب لو لحظات صارت سنيني
قالوا يحبك.. قلت هذا هو الويل
ما ودي أنشد ثم رفضه يجيني
وأهدم رجاي بدبرتي مثل ما قيل
والأفضل أحيا بالأمل لو لحيني
يا حبكم يا ناس للقال وللقيل
والأمر لو هو سهل يصبح مهيني
خلوني أحيا في الوهم يا عواذيل
وش دخلكم والأمر بينه وبيني


مماراق لي ...

ذوووووووووق يا خوي

راق لي ايضا

لاهنت اخوي اشكرك ع الابيات
يعطيك العافيه

الف شكر لك على النقل الرائع ولاعدمنا نصوصك الرائعه ولاهنت...

طررح رائع
يعطيك العافيه اخوي عااشق
لاهنت

ابياااات رااائعه
سلمت اناملك على النقل شكلك تحب سعد جمعه ^^
الله يعطيك العااافيه خيووو
ننتظر جديدك

راااائعة وتسلم اخوي لاهنت .......

الابداع والتميز
عنوانك الدائم
قلم لا يطرح سوى الماس ولؤلؤ
كلمات خطت بروعه الاسلوب
احرف مزجت بجمال الروح
كلمات رسمت بايادي فنان مبدع
سلمت الانامل الذهبيه ع ما نقلت لنا من جمال وابداع
دمت بهذ التميز والابداع