الحب مثل النوم

الحب مثل النوم .. والوصل .. الاحلام..
.. والشين من الاحلام..صد المحبيين

نومٍ طويل عمره شهوور واعواام ..
.. وان قمت.. فــ افهمها فرااق وسهر عين

وانا رقدت وعمري اربع عشر عام ..
.. وصحيت في شهر اربعه عام الالفين

نومٍ ثقيل كله احلام واوهاام ..
.. ونصيبي من احلامه الجانب الشين

صحى الفرااق اقلوب في عكسه..نيام ..
.. وغاب الفرح وانا بعكسه الى الحين

يا حزن كبدي حزن من ضاق ثم حام ..
.. اخذت فروخه مادرى ليه ولــ وين؟

بعد ما شاف العش عيدان وعظام ..
.. خاالي..تفكر فووق ويساار.. ويمين

خلا عشاها فيه ومن الوطى شاام ..
.. زبن على روحه وفل الجناحين

وياوجد حالي وجد من نام ثم قام ..
.. على صياح امه وهو دون رجلين

عويق وامه تنعته والنعت سام ..
.. وهو خابرٍ انه يقسم الصف صفين

حبا وصاح بصيحةٍ تاصل الشام ..
.. منها تقطع في خفوقه شرايين

على وليفٍ قّسم اظنوني اقسام ..
.. واقفى وانا ما اعرف طرد المقفين

راح وترك في صدري ووسووم واعلام ..
.. وصى علي طيفه واقفى بقلبين

ليته تعذر كان ماهو بملام ..
.. بعد ماشااف الدرب بيسير دربين

اشوى عليه شوي..من عظ الابهام ..
.. واشوى علي شوي..من دمعة البين

تمشي بنا الاقدام والموت قدام ..
.. وميعادنا يا مفرق اثنين بعدين

يا عين لا تبكين وعيونه تنام ..
.. عادش إذا ما خاب ظني بترضين

لو الدموع اتفيد فادن الايتام ..
.. ولو الكلام يفيد عادت فلسطين

ولو النباات يطلعه دمعة هيام؟..
.. شفتوا على وجهي ورود وبساتين

الحب سجن..وبعد الاحباب الاعدام ..
.. وقلوبنا السجان مدري مساجين

الحب نومٍ عمره شهوور واعوام ..
.. وان قمت فــ افهمها فرااق وسهر عين

وانا تراني انعست..من مدة ايام
..لاحدن يصحيني يا الاقدار تكفين










من روائع ابن فطيس

اشكرك للطرح الابيات ولاهنت

مشكووووووووره على ردك

صح لسان ققايلها و سلمت يمينك ^_^
لا هنت
ألف شكر

احد روائع ابن فطيس تسلم على روعة الانتقاء

مشكوووووور على ردك

المشاركة الأصلية كتبت بواسطة النُّــادِر

صح لسان ققايلها و سلمت يمينك ^_^
لا هنت
ألف شكر

مشكووووووووره على ردك