من دار ابو متعب

مدري كذا لامن تعديت الحفر يم الكويــــــــت = أحس فيني شي يالبى الكويت وناســــــــها


مايوم جيته ضاق صدري أو بها أذكر شكيت =إحساسها أحساسنا وإحساسنا إحساســها


مره وأنا أمشي في طريقي أذكر أني قد سهيت = ليش المنافذ والحدود وجيش من حراسها


أهل أهل ياصاحبي نطفي إليا منك طفيت= ومعهم إليا دقت ديار العز صـــــــــوت أجراسها


لبيه لا ( جزت ) المنافذ شفت ضيان الكويت = شفت الديار اللي رسمته عشق في كــــراسها


لامن لف الخط قبل أجيك يادار الكويت = وصارت على اليسرى قواعد جيش عز وسـاسها


لبيه يالجهراء ورى لبيه بيتٍ بعد بيت = أحب شوفتها وريحة بنّها وأنـــفاســــــــــــــــــها


ماهو قصور بكل ديره تحت ظلك يالكويت = لكن أحب الدار وأعشق طيبها مع ناســــــها


ياكاسبين العز يا أهل الصيت ماهو أي صيت = أفرح بشوفة هالوجية اللي تزيل نعــاسها


فلة حجاج وياهلا أرحب ينادي كل بيت= بأتراحــــــــها بأفراحها بأحزانها بأعراســـــــــها


لاتلومني ياصاحبي إسمع إليامني حكيت = خل الشعور اللي بقلبــــي ينسكب في كاســـــــها


ماهو بكيفي يالخوي قلبي بها مغرم وميت= سلم على دار الصباح وبوس تكفى راســــها


من دار أبو متعب سعودي وأعشق ديار الكويت = لبى قسم بالله كل أهله ولبــــــــى ناسها