آآآآآآآآآه يا الهريفي وينك ؟

ملينا ملينا ملينا أقسم بالله ملينا ، شبعنا مواعيد شبعنا كذب شبعنا مكابرة ، من عام 1415 ووحنا شغلتنا ندافع عن نادينا بالمجالس ووراه وراه وين ما راح ، أكثر جمهور يسكت الجماهير الثانية بالنقاش وبحضورنا للملعب رغم إنهم يحصلون بطولات وحنا ولا شي .
مشكلتنا مهي من اللاعبين ، مشكلتنا ما عندنا فكر إداري . لا رئيس نادي صح ولا أعضاء زي الناس يتجمعون جنب بعض ووجيههم تجيب النحس وإداريين عقولهم فارغه .
وين الإدارة اللي تناقش الجهاز الفني ، عباس من يصبر عليه بالمحور لاعب فقير فنيا وارجعوا للمباراة كم كورة طلعت منه غلط والمشكلة من لعب بالمحور ومستواه طايح ، ولاعبين ما عندهم مسانده للدفاع ولا روح مثل الزيلعي وفيقاروا ، والدوخي بالله من يصبر عليه يا عالم أي لاعب من شباب النادي أفضل منه . والمشكلة لاعبين أغبياء لا يعرفون يستغلون الوقت ولا يعرفون يستغلون قرارات الحكم شوفو الزيلعي ينضرب ويقدر يخلي اللاعب اللي قدامه ياخذ كرت ويقوم فعلا غبي .
سعود حمود رأس حربة صريح والله اللي ما يفهم راح يشوف عيوبنا. وين ريان اللي دمروه الله لا يوفقهم . وبيتري يلعب والبرناوي برا .
يا عالم القريني وش دوره . يا ناس شوفوا الجابر وش سوى مع فريقه شوفو المحترفين بالأندية الثانية وشوفوا محترفينا .
تعبنا والله تعبنا شوفو اللاعب اللي يطلع من نادينا كيف يصير مستواه شراحيلي والمبارك وأحمد الخير وغيرهم لأنهم يحصلون فكر إداري واللا حنا عندنا هالدلخ القريني يبغاله واحد يديره ويوجهه .

والله لو إني مدرب للنصر ......واللا تدرون ما يشرفني أدربه بوجود هالإدارة .
آآآآآآآآآآآآآآآآآآآآآآآآآه يا الهريفي وينك ،، والله لو تجي إداري ما نحتاج لا رئيس نادي ولا أعضاء شرف ونستغني عن المدرب . حنا نشجع وإنت تدير الفريق وراح ناخذ أي بطولة بسهولة .