صــــبــــاح الـــــخــــيـــر....

الا ياصباح الخير والطيب والمعروف=صباح الجميل اللي تصبحت في وجهه
لو ان التعب مخلوف ولا ماهو بمخلوف=انا اشوف هذا اليوم بالذات للنزهه
بعد ما لمحت اللي رماني بلمحة شوف=مع اني محدد وجهتي ضاعت الوجهه
دريت ان جفا الاحباب ما يرحم الملهوف=ودريت ان صدوف الوقت للقلب منتبهه
الا يازمانن ماسمع نبرة المكسوف=خف الله فاللي ما انتحى لك على الجبهه
خف الله فاللي كان قبلك نقيض الخوف=لزيمه وعقبك صارت ارياه مشتبهه
تصبّحت بالغالي وبيّن كنين الجوف=وانا كنت ما ابيّن ولو كان للنزهه
الا يا صباح الخير طالبك تكفى روف=على وجه من هو بيّن الزين في وجهه..

وسلامتكم...