::علمٍ سمعته::

بسم الله الرحمن الرحيم



علمن سمعتهـ\ ليتني ماسمعتهـ
صوب على قلبي كما طلق رشاش

هش العظام ودمع عيني نثرته
واثر على راسي وضيق على الجآآش

كن الحزن بين الحنااياا حجرتهـ
والحزن ذيبن للمعاليق نهاش

قالو اخوك اللي لظيقك ذخرته
يودعك والموت ماعنه منحاش

مرحوم ياللي فالشدايد حزمته
لاجا نهارن نابحت فيه الاوحاش

ياخوي عمرك بأأوله واختصرته
والا الربوع الوقت خاين وغشاش

الليل من بعدكـ طويل وسهرته
عيت عيوني تهتني ليل بفرآآش

صورتك بيديني وراسك حظنته
مالوم عينن عنك ماترمش ارماش

راس الطويله فالليالي طلعته
احاول اسلا والفكرر فيه وشواش

ياخوي صوتي بالليالي سحبته
وازعجت حين من هل الطاش لطاش

وابكيك ويبكي كل صاحب صحبته
دمع الوفا ياخوي من ظيقنا طاش

وابكيك ويبكي كل دربن سهجته
شوارع بيش من الظيقه اهشاش

ليت المنيه يوم جات اختبرته
وليت المنيه تعرف القرم واللاش

كان المنيه يوم جآآته طمرته
وكان الردي من بين الاجواد ماعاش

مرحوم ياللي مبتسم من خبرته
يداعب اسنينه ولاساعتن هاش

ياتااج رآآس الطيب لاياشجرته
كم من فقيرن من مكارمك يعتاش

اقفيت عن دنياك وذكرك تركته
على صخور المجد ينقش بمنقاااش

عسى الولي يرسل لقبرن قبرته
سحاابتن رحمه وترويه برشاش