أبسألك يا العالمي بالذمه / وش فيه لونك قاهر عذالك ..؟!!

بسم الله الرحمن الرحيم ..
السلام عليكم ياأيها الشعب النصراوي
اليوم قريت قصيده للعالمي واثرت فيني
سمو ..

أبسألك يا العالمي بالذمه / وش فيه لونك قاهر عذالك ..؟!!
اثرك مسوي للعواذل حمه / والليل خليته عليهم حالك ..
ياعالمي واترك هروج الخمه / ولا يجي هرج القفى في بالك ..
(( الهمه الهمه ونبغى الهمه )) / "طلال" سطرها على موالك ..
(( يانصرنا والموعد اعلى قمه )) / يالله عسى درب البطوله سالك ..
غلاك مثل الورد غصب نشمه / فالقلب فوق الكل محد طالك ..
امخزن الجوال ناس مهمه / لكن محد يسوى رقم جوالك ..!!
جمهووورك الي صرت تسكن دمه/ كنك ابوهم والجميع عيالك ..
متشتت فبلادنا وتلمه / بملأ المدرج ويتحضن شالك ..
حاجز مكانك فيه فوق العمه / يانصرنا لو طحتقلبه شالك..
لو تخسر دروع الذهب ماهمه / حتى ولو المستوى متهالك ..
يانصر انت المجد والا عمه / والا بقول المجد يمكن خالك ..!!
يرجع زمانك يوم كل الامه / ماغير تذكر ربها لأفعالك ..!
يوم ان دمع الغير بلل كمه / وأكيد قلب الخصم يذكر ذلك ..!!
يانصر لو جبت العلوم مطمه / والله ما تمشي فالطريق لحالك ..
من هو يذمك يا النصر بنذمه / وتقوله ترى مهوب اشوالك ..
بنذوقه سم عساه يسمه / ينزل تحت ماهو كفو يرقا لك ..

الا تعال ابنشدك بالذمه / لونك علامه قاهر عذالك ..؟!!

تحياتي ..