يابلسم جرووووحي وعشق صاااااادق

ياللي على قلبي بنيتي حبك
من دون صك ولا حدود تحدك

يافاتنه في زينك المتكامل
ما احدن على حسنك يباهي قدك

انتي ملاك بين كل العالم
واللي يشوفك قال مابه ندك

لاتقطعين الوصل يالمزيونه
قولي لقلبك لايطاوع صدك

يابلسم جروحي وعشق صادق
كل الجوارح ترتوي من عدك

حبك تعلى فوق كنه نجمه
متى على الله بس توفي بوعدك

لاتحسبين الفكر من فرقاكي
يدله ولو لحظه وينسى خدك

والا عيونك يوم صابت صدري
برماح جند ماحسبته جندك

ما عاد لي بالشعر كان أقفيتي
ولا عاد لي بالغيد شف بعدك

انتي ملكتي كل حس فيني
غطي ضلوعي من دفاك وبردك

خلي عيوني تهتني بعيونك
ولا اظن ابد تهنى اذا باهدك

وان كان ماجيتي ولا ضميتك
بأحفر لقبري بس هاتي ردك