قالو تحب وقلت للحب سيره ... حمدان المري

الحب فيض صـدور والشـوق ديـره
والقلب من جور المقاديـر محـروق

كثـر الأمانـي والليـال القصـيـره
تعيشك في ضنـك وتمـوت مخنـوق

قالـوا تحـب وقلـت للحـب سيـره
قالوا تعب ما بين عاشـق ومعشـوق

قلت التعب يحتـاج صبـر وبصيـره
ولولا التعب مـا حصلـوا للهنـا ذوق

وأنـا هويـت اللـي بحبـي جديـره
ماهي على ما قيل من طارف السـوق

في عينهـا سـر البحـور الغزيـره
وفي خدهـا وهـاج رعـاد وبـروق

ماهي صغيـره بـس ماهـي كبيـره
أصغر من التعظيم وأكبر من الـذوق

وماهي طويله بـس ماهـي قصيـره
مقعادهـا وقفـة صغيـره وغرنـوق

وماهـي بأميـره الا ويـش الأميـره
تعيـش بيـن النـاس لكنهـا فــوق

صحيـح مطنـوخـه ومليـارديـره
وتسكن في أرقى حي واملاكها طـوق

لكـن تواضعهـا تـواضـع فقـيـره
على الأقـل تقـدر الحـب والشـوق

لو خيرونـي فـي بنـات الجزيـره
ما أخترت غير اللي كوتني على العوق

زينـه وبنـت شيـوخ قـوم ستيـره
ياما اتلفت مـن زينهـا كـل معلـوق

وجدي عليها وجد من ضـاع طيـره
لا رده (المـربـا) ولا رده سـبـوق

صدقت قولت مـا ورا الحـب خيـره
وكذبت قولت كـل مطـرود ملحـوق

غيري عشق مخلوق من شـان ديـره
وأنا أعشق ديـره علشـان مخلـوق

ممــــاراق لي..