وقت الاشراق

ياوجد حالي وجد من لا سلا ضاق=وضيقته بين الثانيه والدقيقه
او وجد من غنا مع وقت الاشراق=والشعر ذا من ضيقته فك ريقه
قالوا علامك؟ قلت يالربع مشتاق=مشتاق والمشتاق جنب طريقه
قالوا لمين؟ وجات من وسط الاعماق=يشوقني حسن النبا والخليقه
راعي الوفا راعي الكرم حسن الاخلاق=اللي هروج اهل الردى ما تعيقه
ذا وصفي لمعشوق غيّب بعشاق=اشتاق له شوق الصديق لصديقه
وقالوا بعد؟ قلت الشعر حسن الانطاق=اللي أصوله فالبحور العميقه
فقالو وش ازين بيت في منظرك فاق؟=قلت اسمحو لي واسمعو ذا الحقيقه
(الحنظله مره ولا هي بتنذاق=ولا النحل مسموم واشرب رحيقه)
ياليت زين الشعر محصود لسباق=والله لسابق للظفر بالطليقه
بس الشعر ما هو بهوشات وخناق=كلن حسب بحثه يحصل دِقِيقِه
هذي وجود اللي الى من سلا ضاق=وضيقته بين الثانيه والدقيقه
اقول ويقولن والقول ما يطاق=لكن عسى ربي يفك العليقه..

وسلامتكم...