إنت الوحيد اللي سكن وسط الروح

إنت الوحيد اللي سكن وسط الروح


حبيبي لاتكبرها ترى الضيقـه تجي وتـروح
وانا طالبك تكــــــــفى ياحبيــــــــبي لاتكــــــــبرهـا







ترى الدعوى بسيطه لاتزود فالجروح جروح
وانــا بكتب قصيده في المحــــبه وأنت شاعــــــرهـا







أنا لولاك ماشيدت لي وسط القصيد اصروح
تــراك أجــــــمل قصيده حُب أكسرهـا وأجـــــــبرهـا







تراك إنت الوحيد اللي سكن وسط الجسد والروح
وتــــــــراك أحــلا عـباره دايم أكتــبها وأعــــــــبرهـا







إنت البدر لامن طلع زاد الوضوح وضوح
تـــــــراك أحلام توقضـني ولا ادري كيف افســرهـا







عطيتك من عروق القلب شيكٍ بالغلا مفتوح
وعطيـــتك كــــــل كلمه من صمــيم القلب مظهرهـا







وتخطي ثم تخطي بس أقول بخاطري مسموح
أنـــا وشلون أطــالع غلطــــــتك ياكيف أناظـــــرهـا








غيابك طال لين اصبح خبرنا بالعشق مفضوح
وكـــــــلٍ عــــــارف القصه مـن اولها لآخـــــــرهـا







وطعونك خلت اعروق المحبه دمها مسفوح
تعال وبشـــر اطعونك تــــــــرى فـازت خناجــرهـا






ترى مقدر على صدك ومهما تروح أنا باروح
الـــــين القاك واجــــــدد محبتـــــــنا واطــــــــورهـا








وكلمه من ضميري قلتها لك تشفي المجروح
لجل عيـــــنك ياقلبي بعيدها ولجل حبك بكــــــررهـا







نصيحتي نترك الماضي ترى الضيقه تجي وتروح
وتـــرى الدعـــوى بسيطه ياحبيـــــبي لاتكـــــــبرهـا