تفنن بغرامك

تفنن بغرامك والغلا
هو ســيد فـــــــنونـك... تمكنت بغلاك وصرت
تمشـي فـي شــــــرايـينـي







وش اللي صار فالدنيا
لـيا نــاظـرت بعــــيونـك... انا في حلم ولاعلم
الـيـا شــــــا فـتـك عـينـي





غرقت فـموج بحرك
ما وصلت لسـر مكنونك... تساهلتك مع انك صعب
وانـت الـلـي معـنيني






عـشقتـك من ضميــر ٍ
ما يساوم فيك ويخونـك... رغــم كل الظروف اللي
تجـــي مـــا بينـك وبينــي





وعـاهدتك عهد ماغيرك
احـدٍ يقـرب حصـونك... معاك طال الزمن والا قصر
يــــا شـــمعـة سنـيـنـي




عسى الله لا يــوريني
فـراقـك واعطش مـزونك... تحريتك تجي فـي يوم
تـنعشنـي وتــــرويـنــي





عليك الله وأمانه كيف
أعـيـش العمر من دونك... وانـا اللي لا تذكرتك
نسيت اللــي يحـا كـيني





أحبـك كلمةٍ تكشف
غـلاك وتطرد ظنونك... وترضي خاطرك واللي
يجيني منــك يـرضينـي




تقـرب من حبيبـك
والعـــــواذل لايهمـونـك... وانا لا همني غيـرك
ولاغــيـــــرك بيعنينـي




مـدام انك ملكتي القلب
وعـروقـه يلــبــــونـك... تمخطـري بالحشا لبى
حشـــــاي وكــل مــافيني