الصدر ضايق...

يمر يوم وكل يوم يمر احس اني حزين=امسي على ضيقة صدر واصبح على ضيقة صدر
قالو الفرج عقب الصبر قلت الصبر همٍ دفين=قالو الوفي طبعه وفي قلت الزمن كله غدر
قالو الصدف قلت الصدف ما عشّمت طول السنين=قالو القدر قلت من اللي يردّك يالقدر
قالو الامل قلت الامل مثل السراب اللي يبين=اتلى العهد وانا على المطلاع وسط المنحدر
قالو تشوفه قلت اشوفه في حلوم النايمين=اصحى على شوفه وانا خدران واصحى واخدر
قالو وش اللي تذكره اذا تناولك الحنين=قلت التنهاته إذا طروه الدمع يهدر
قالو يخونك قلت انا يا كرهني للخاينين=لو خانني ضاع الوفا فالناس إلا ماندر
قالو نسيته قلت واللي لحّن المسلم جبين=ما انساه كود الناس تنسى الليل,,ومطلاع البدر
قالو كم اللي راح من عمره شقى قلت سنتين=عامين وانا اغرب الخطوات والقلب يحدر
قالو الكدر ويش الكدر قلت الكدر مثل السجين=إن عاش في سجنه كدر واذا طلع عاش الكدر
قالو سواتك وش يسوي قلت بين الحالتين=اما توفى من غبن والا قضى عمره هدر..

من روائع حمدان المحزنه اتمنى تعجبكم...