جمهور النصر ساقط في الرياضيات

لانهم يتسابقون على جائزة الخمسين الف ويخلون جماهير الاندية الاخرى تفوز بالمائة وخمسين الف .
ما هذا يا جمهور النصر
نعم نحب لاعبينا ونبغى نحطهم نجوم الجولات
بس النادي لازم يكون نجم الجولة ولازم ياخذ الجائزة الكبرى

امس اللي فاز هو النصر
واللي تصدر هو النصر
النصر يعني : الكيان وكحيلان والجمهور واللاعبين بما فيهم الزيلعي وريان وسعد وغيرهم

ابو تركي محتاج وقفة الجميع
وانتم تحشون اعضاء الشرف وتقولون ما يدعمون
طيب انتم .. دعمتم ؟
اسهل شىء التركيز في التصويت على فريق الجولة
اهم من لاعب الجولة

اراهن ان اصوات الجمهور بتتوزع بين ثلاثة لاعبين نصراويين
وان تسعة وتسعين بالمائة من تصويت نجم الجولة باصوات نصراوية

ولكن فريق الجولة بياخذه جمهور الاتحاد لناديه

حسافة يا جمهور النصر انكم ما تعرفون الفرق بين :
الوقفة مع الكيان
والوقفة مع اللاعبين

وما تعرفون الفرق بين :
المائة وخمسين الف
والخمسين الف

طلعوني غلطان بظني هذا .. وصدقوني بأفرح اذا كنت غلطان !!!