ياللي تدارون اليتيم....!

ونتي ونت خلوجنٍ مع وقت العتيم=وكّدت مذبح ولدها وحالو دونها
حالي اللي راحت اشجار وديانه هشيم=مبطيٍ ما زيد دب الحيا فغصونها
لا جرى ماها ولا زيد حركها النسيم=ومن بطا الإمحال فيها تغير لونها
كانيِ مابي وانا مخفيٍ شيٍ عظيم=وكل الارض اليوم ضاقت علي ركونها
يا عرب تكفون من كان له قلبٍ رحيم=كل نفسٍ صابها الحزن لا تقصونها
خاطري داروه ياللي تدارون اليتيم=وإن بكت عيني من الدمع لا تنهونها
وكبدي اللي لاعها خافي الحزن السقيم=كل ما قلنا تشالت تزيد طعونها
كل ما بريت جروحي من الحزن القديم=جيت دارٍ حايلٍ البطا من دونها
فالهوا حزات من وصف جنات النعيم=وفيه نارٍ جملة الخلق ما يقوونها...

حقا مما راق لي....