إن مآتكآتفنا بهالوقت بالذآت.. والا على نصر الريآض السلآمه

مدخل

يالنصر عدت وعودتك ترفع الراس
وكم واحدٍ من عودتك صار مغبون
ماينهدم صرحٍٍ مشيّد على ساس
لو حاربوه وحاولو فيه يبطون
حبك مهو حب البطولات والكاس
حب وغرام وعشق فالصدر مكنون
حب الكيان اللي مرصًّع بالالماس
ماهوبحبٍ بس بالفوز مرهون
سبحان من صخًّر لك قلوب هالناس
تمرض وعشاقك بلحظه يزيدون
الله عطاك من الغلا دون مقياس
ناسٍ تولع بك وتعشقك بجنون
لو يفلسون الكل معلنت الافلاس
رصيدك من الحب واضح ومضمون
واللي يبي يعرف وش الحب باحساس
ينظر جماهير النصر وش يسوون

تكفون يأهل المرجله والـمـــروّات
إن كان باقـي فـيـه ذرّة شهامـه


النـصر مـحـتاج(ن)لّــه رجـال وقـفـات


مـاهـوترزّز بالبـدل والـعـمامـه


إن كان مات الـرمز فالـنـصـر مـامات


عايش وله فالعـز صيـت وعلامـه


نبغى تكاتف ناس ينسـون مافـات


يـوم انّ كـل(ن)نجـدتـه مـن حـزامه


ارجـال فـعـل وفعـلهـم دايم اثبــات


واحدهم افعاله تسابق كلامــــه


إن ماتكاتـفنا بهالوقت بالـــذات


والا علـى نصـر الرياض السلامـه


هيهات نترك نصرنا اليـوم هيهـات


وين الرجوله والشرف والكرامــه


يـامدّعـيـن الحب في كـل الاوقات


كثـر الترزّز مايجيـب الزعـامــه


مافيه شخص(ن) يعشق النصربسكـات


غيـر الحـريم ولا عليهـن ملامـه


والـوقـفه اللـي ماتجيـب المسـرّات


تبقـى علـى وجه الضعيْفـين شامـه


إما حياة العـز فـوق المنصـــات


والا ممات(ن)قبـل يـوم القيامــه


لنـا علـى اعيـال المطانيـخ شرهـات


والا الهـلامـه طـول عمـره هلامـه

مخرِج

على النقى سـج القـدم ياكحيـلآن
شوفتك عندي والله اكبـر بطولـه
ورآك شعبك محتمي كـل ميـدآن
مآخاب شخص مدرّج الشمس حوله
لله درّك يابطـل كـل الازمــآن
علمتهـم فـن الأدب والرجـولـه
مآهي غريبه عنك والجـدّ سلطـآن
المجد طآلك وأنـت مثلـه تطولـه
وأبوك تركي نسل ذربين الايمـآن
اللي لهم فالمجد صولـه وجولـه
إسمك رجح يآذيب في كل ميـزآن
وأصبح يهز الكون عرضه وطوله
صحيح وآحد بسّ عن مية إنسـآن
مآهو بأنا اللي قلـت كـلِ يقولـه

إعجاز نصراوي