البارحه صادفت باسوق مخلوق

السلام عليكم ورحمة الله وبركاته
اسعدالله صابحكم - اسعد الله مسائكم
قصيدة السوق عسى انتنال اعجابكم


البارحه صادفت بالسوق مخلوق .............سبحان ربً للمخاليق خلاق


الله خلق وحط في خلقه فروق .......مثل القمر والشمس فيهن ترا فراق

غرون عرضلي صرت انا منه مطفوق...ماهي بلي عاده ولا ني بطفاق


قلت السلام وقاللي عندك حقوق..... ...ثم قلت قلبي للمزايين عشاق


اصبحت لي سارق وانا اليوم مسروق ..وبصيح بأعلى الصوت وأقول سراق


وجمع عليك الناس في ساحة السوق........ ..واقول هذا يالاجآويد بوآق


حيثً قلبي من سبايبك مفتوق ...............الله حسيبك صرت للقلب فتاق


واقفت به الدنياء وانا من محروق ........مايدري اني محرقً كبدي أحراق


يمشي ومشيه على الارض برفوق ...توه صغير وناعس الطرف مافاق


والخد مثل المزنه الي لها بروق........ ..مزنن سرى في تالي الليل براق


والعنق عنق الريم بالوصف منتوق ..طول الدهر زوله عن العين ماتاق


وزودن على غض النهد حسن منطوق ..من شاف زولك يادعج العين ماضاق


شلعت قلبي يابعد كل معشوق ..........برمشن تسلهم به على خدن رقاق


لاوا هني الي تصافيه ويذوق ............يذوق من ريقً نشف دونه ارياق


قالو تروق وقلت انا وين ابا أروق..... ..كم واحدً قلبي من البيض ماراق


حالي يابو رايد كما عود زملوق .............والعود لامنه فقد ماه ماساق


اشكي عليك ان كان لك فالهوى طروق ...شفلي طريقه والسلامه بالاعتاق


خابرك انا بالعشق ..عاشق ولك ذوق .....عشقً نظيف ولا يجيبه تدراق


لاشك راح وكل مطرود ملحوق ..........يجيبه الي جاب للخلق الارزاق


ان عاد ولا جعلها قدمه اوفوق ......جعله سعيد الحظ من وين ماواق


ويالله يامعبود يامطلق العوق ...........تفرج لعبدً من هوى البيض منعاق

وسلامتكم ..