والحر يتعب لين ما تستوي له

أرفع ستار الليل وانقض جديلة
................لا تستريح إلا بروس الطوايل
يا صاحبي لو غدت مستحيلة
................أشهر عليها سيف بيض الفعايل
ما ترتفع للعز نفس ذليلة
................ولا توهب العليا عيال الحمايل
والحر يتعب لين ما تستوي له
................يلهث ورآها لو بشتَ الوسائل
جود عنان الوقت وبكل حيله
................وسلك طريق العارفين الأوائل
من لا يحوش المرجلة عزتي له
................يبي يشوف من الزمان الهوائل
والعلم تسمو غايته والوسيلة
................يشعل قناديلك لو الحظ مايل
ترى عمى عين الظلام الفتيلة
................ولا الجهل يعمي بعز القوايل
وان طاح راسك فوق كف بخيله
................قل ما تضيق الأرض بأهل الجمايل
وأدخل على اللي ما يضيع دخيلة
................ملجاك لا شحت عليك البدائل
أحيان ناس تحببك في قبيلة
................واحيان شخص يكرهك في قبايل

مماراق لي