العيار اللي ما يصيب يدوش

ياجماهير الشمس الوضع ما ينسكت عنه وانا اشوف للامانه( العيار اللي ما يصيب يدوش) وعندي اقتراح اتقدم به الادارة المنتدى وهي نضع كل النقاط والاقتراحات اللي نشوف ويشوفها كل انسان غيور على هذا الكيان لاصلاح اوضاع النصر ونسلمها لاي شخص بادارة النادي

اتمنى من كل انسان يغار على العالمي يسجل اقتراحاته ولا يستهين بنفسه وامكانياته وصدقوني هذا الشئ ينجز للملكي وادارته امور كثيره ولو تسالوني عن مين راح يوصلها للاداره او اي مسؤول بالاداره؟ سهله جدا والرجال في المنتدى فيهم الخير والبركه واذا لا سمح الله ما لقينا احد انا قريبا انشالله راح انزل الرياض بالقوه ولا باللين توصل لهم دخلنا على صاحب السمو الملكي الامير سلمان بن عبدالعزيز يطول عمره والامير محمد بن فهد الله يحفظه ما احنا عاجزين عن فيصل بن تركي وهو رئيس نادي

سبب الاقتراح هو مطالبة جماهير العالمي بتنحي فيصل بن تركي والطرف الاخر يقول ما راح يترك الرئاسه حتى تنتهي فترة رئاسته يعني مالنا الا الحل الاوسط وهي تقديم اقتراحات يكتب فيها كل النقاط وبشرط ان تقدم بأسم منتديات جماهير الوفاء
اتمنى اسمع ارائكم في هذا الاقتراح واللي عنده اي اضافات نفتح قلوبنا لبعض وناخذ العضه من ادراتنا اللي فرقتها التكتلات

ابغى اسمع اصواتكم واقتراحاتكم واذا تمت الموافقه عليها راح تكون تحت اشراف ادارة منتديات جماهير الوفاء وراح تكون الصيغه النهائيه يشوفها كل اعضاء المنتدى وموجوده قبل ان ترسل

والسلام خير ختام