حـــب النصــر

السلام عليكم ورحمة الله وبركاته

عيدكــم مبــارك وكــل عـام وأنتـم بخيــر

أول مشـاركه لـي وهـي عبـاره عن قصيـده متـواضعه لـهذا الكـيـان العظيـم

أتمنـى أن تـرتقي لذائقتكـم

حب النصر ، ، / ماهوب لجل التسلي=ولاهوب لجل اعيوننا فيه تلهى
حب النصر ، ، / كالروح مجتاح كلي=والروح ماترخص على من حملها
حب النصر ، ، / يطغى على حب خلي=لو عاقبت هالحب ,, [ نفسي قتلها ]
أن جيت أدون سيرته في سجلي=بتشيّب القيفان من ما ذهلها
يكفيه ماجد فالزمان المولي=[ لليوم ] / لو معشوقته معتزلها
بالمجد رافع هامته ومتعلي=منه // آسيا قامت تفاخر دولها
حب النصر ، ، / على حسب ماوصلي=مضغه بصدري مستحيل أئتصلها
مرات اشكك ببتعاده / [ تغلي ]=وفرصه لتطبيق العواذل حيلها
واذا حضر / عنه الظلام امتجلي=شمس المدرج ماتجافي بطلها
ماخاب منهو بالصبر امتحلي=مضرب مثل وآهل الوفا تمتثلها
واذا ذكرت الرمز / ياعين هلي=دمعة غلا / [ والنفس جاها آجلها ]
بعده . . . / فقدنا من يصد التبلي= (يدفع) خفافيش الظلام وضللها
ومدام فيصل لزمام أمتولي=رئاسته بيّن نتائج عملها
لو كل عضو عن واجبه امتخلي=حنا معك بنقولها / وأنت قلها
ونقولها الكل نادي محلي= [ أركد ] / [ وخل العالميه لاهلها ]