بخصوص المدرب الجديد هام جدا

مسكين المدرب الجديد انجلد من بعض الجماهير وهو ما مسك تدريب واحد لها الدرجه الجمهور ما عنده صبر....لو كل جماهير الانديه في العالم مثل جماهير النصر كان ما شفنا ولا مدرب في العالم الا مورنهو وجوارديولا وفيرجسون والباقين ما يصلحون مدربين والمفروض يشفون لهم محل سباكه على قولتكم....معقولة كل ما جاء مدرب قلتوا عليه سباك

ماتورانا مدرب تاريخ كبير وما نجح ....ريكارد المدرب الكبير وصاحب الانجازات مع برشلونه مع المنتخب لم يشفع له السي في الكبير وجالسين نشوف المنتخب ياكل بالربعه والخمسه ما قلتوا عليه سباك

وفي المقابل مدرب لا يملك سي في كبير مثل قوارديولا لم يحقق اي انجاز مسك برشلونه وكان قبلها لاعب في الدوري القطري وحقق اللي عجز عنه مدربين سبقوه في التدريب ....ونفس الكلام تشلسي دي ماتيو كامثله لانديه عالميه ومدرب الاتحاد كمثل محلي جالس يقدم فريق لا يخسر


اللي باقوله مو شرط السي في هو اللي يحقق الانجازات ...يعني المدرب اللي وقع معه النصر مدرب صاحب سي في جيد والمدرب ماله الا فتره قصير كمدرب واكيد بيكون حريص لتكوين له سمعه كبيره في مجال التدريب وعن طريق نادي النصر ان شاءالله


واتمنى اننا ما نعطي عذر مسبق للاعبين النصر ونجعل الشماعة المعتادة للخساير المدرب ....وانا اقول ورا كل مدرب عظيم لاعبين...بامكان لاعبين النصر ينجحون المدرب وبامكانهم يفشلونه



وانا اتوقع ان هالمدرب بيكون له شأن كبير وراح يترك بصمه مضيئه في نادي النصر بحكم ما قرأت عنه من حزم وانظباط اللي كان النصر فاقده من بعد زنقا....بس عطو الحر فرصه