هدية الاربعاء...

يامتعب الاقدام ماشي على وين££مع جرّةٍ جاها العجاج ودفنها

ارجع وعد خطاك وحده وثنتين££واكبح جماح النفس والزم رسنها
لا تامن الدنيا ترى وضعها شين££ماعاد به دنيا صحيحٍ بدنها
لا صارو العقال مثل المجانين££واصبح ردي العرف يامر وينها
انا مجرب والتجارب براهين££اراهن الايام واكسب رهنها
منها عرفت الفرق بين الفريقين££سبحان من صاغ العقول ووزنها
وان كان صح ان التجارب براهين££ضمنتها ان كان ربي ضمنها
رفقة ردي المعرفه بعتها دين££على زبونٍ ضمها واحتضنها
بغى يجيني بالثمن قلت بعدين££امسك فلوسك لين ننشدك عنها
ما بعتك الا سلعةٍ ياحمر العين££ابيعها وابيع حتى ثمنها
والله مبي فيها ثمن لو قرشين££بس المهم اني تخلصت منها...
مما راق لي للشاعر الكبير رشيد الزلامي...