قل للذي قال الحكي .. كان به راس !

"

قل للذي قال الحكي .. كان به راس !
.................. يحمل عقل ! .. به فكر وافي ومعقول ! ..

سلام مني .. دام ! للفكر ... مقياس !
.................. واللي بليّا عقل (( مو ... لازم آقول )) ..

بي حرفنة أنثى .. لها .. الطيب نبراس !
.................. ماني من اللي يستند ... خلف ! مجهول ..

فكري .. منزهني .. عن ذيول وأدناس !
.................. وأحمل بـِ ميداني.. من الواقع خيــول ..

والشعر فيني .. لو طغى ! فيه الاحساس !
.................. يبقى ( إمارة ) من دراسات .. وعقول ..

ما كنت .. تلميذه لـِ شاعر من الناس ! .. -
.................. ولاني خليفة شاعره .. ثارت سيول !! ...

جيت بمبادي شعر .. تستحوذ أنفاس !
.................. لا صغتها في قالب جنون ْ .. معسول ! ..

وإن قلتها من فمي .. ! .. تفوح جلاس !
.................. بس النظر لـِ وجوههم .. يطرب القول !

ما كان بـِ حضوري .. ( غباوه .. من الياس ) !
.................. دام بـِ غيابي .. ينثر ! .. الفقد .. مجدول !

ودام بـِ / نغم صوتي ... ( أوامر .. وحرّاس ) !
.................. ما خفت.. صوتي .. لا تنهـدّت .. مشلول ..

مِن كنت طفله والشعر ... يـَضفي إلـباس ! ..
.................. فوق الطهر .. يرسم .. معالمِهْ بـِ ذهول ..

أحاور .. الشعّار .. وأشربْ مِن الكــاس ! ..
.................. وأراهن اللي قال .. (( ما تقدر ! تقول )) ! ..

واليوم جيت وصبحنا .. يعْصِبْ .. الباس ْ ..
.................. ويقهوّي التاريخْ .. _ مستقبل .. فعول ! ..

ما يغري .. المجنون .. لـِ فراشه .. نــعاس ْ ..
.................. ولا يتعبْ العاقل .. مِن .. أحلامْ وميول ...

وإن جيت .. أبرهن .. كلمتي ( كان هوجاس ) !
.................. (( ما يرجع الغايب ْ ليّا راح مرسول ! ))

تارد .. مغاتير .. النوايا .. بـِ ... كراس ْ !
.................. فيه الحروف .. تراود .. السطر ..وتنول !

هويّتي .. تعريفها .. ( طفلة ... إحساس ) !
.................. متمرده ... من دونها .. / فكر .. مسلول !

لا صار مِن ريحي .. تدقون .. الأجراس ! ..
.................. خَلْ البعيدْ .. يقابل .. الطيف .. بـِ / طبول!..