قصيدة عشق النصر بعد التعديل

عشق النصر ياناس ماهو بعادي === تعجز تترجم عشقه اشعور واحساس
وعشق النصر ياناس ماهو إرادي === وهبه عطاها خالق الناس للناس
يبــقى مكــانه لين يوم الــتنادي === منصته بالقلب من بين الاقواس
ماهــمنا يالعــالمي كــل غادي === اللي يحسب العشق يشرى بالاكياس
رغم الغياب ورغم طول ابتعادي === عن البطوله يكفي اسمك عن الكاس
علامتن من بين كل النوادي === جمهورك اللي بالوفا يرفع الراس
شعبيتك دايم وهي بزديادي === وغلاك ماله عندنا حجم وقياس
بقلوبنا باقي وتبقى ريادي === بك مانطاوع ثرثرة كل بلّاس
ماغيرك اللي للبطولات سادي === امجاد ماتحصى بموقع وكرّاس
من هيبتك يغشى الخصوم ارتعادي === من خوفهم بقلوبهم دقت اجراس

شمسك كست شتّى ربوع البلادي === وللموج تجرح حتى في وقت الاغلاس
للشاعر / عوض سلامه العنزي