طفشتو صح تعبتو صح طيب وش الحل ؟؟؟؟؟؟

السلام عليكم ,,,,

اول شي لكم وحشه واعتذر عن انقطاعي الايام اللي راحت ,,,,,,

من جد صرنا واقعيين وصبرنا وساندنا ووقفنا مع نادينا وحضرنا بعد خسارة نهائي ووووو ,,,,,

ي نصر ي فيصل بن تركي ي لاعبين النصر على فكره باقولكم شي كل شي يدل على الوفاء كان جمهور النصر له السبق فيه تدرون والا تعودتو ؟؟؟؟؟؟

كنا ننزل مواضيع مو وقته ومو وقته النصر عنده ولي عهد وعنده عربيه وعنده وعنده ,,,,,,,,,

بس بجد جا الوقت الي انتو تحسو فينا وتوقفو مع جماهيركم م جاء الوقت الي تحققون لجماهريكم الي اهم يبونه ,,,,,

طلبتونا نساندكم ساندناكم شجعناكم ازرناكم وقفنا ضد مجتمع رياضي كامل وكابرنا وقفنا ضد انفسنا وقفنا ضد مشاعرنا وقفنا ضد كرامتنا وقفنا ووقفنا وطال الوقوف وبعد الوقوف الانسان يحتاج لراحه <<<<< لو ارتاح الجماهير معناته نهايتكم ,,,,,

ادري فيه ناس عاشقين للنصر بيجي ويكابر ويرد على موضوعي بيقول لا النصر كويس وكذا والنصر احسن من ووووووووو باقوله ي حبيبي تكفى خل عقلك يرد علي مو قلبك لاني انا اللحين اكتب بعقلي ,,,,,,,,

ي فيصل بن تركي وربي احبك كثييييير لانك مشجع مخلص قبل كل شي ,,,,,,,

لكن سؤال انتو تدرون الموسم القادم وش بيصير الاتحاد بيتغير وضعه كراعي والهلال كذلك والاهلي الفريق الوحيد اللذي لديه فائض كشغل جبار بقيادة خالد بن عبد الله ,,,,,,,

يعني ي تغيرون وضعكم من اللحين وتسعون لتسويق نادي النصر والا بتتعبون زي م تعبتو الان فما بالكم بغدا ,,,,,,,

سؤال لكل مشجع نصراوي م ودك يصير فريقك بطل الدوري والكاس ومنافس اسوي ؟؟؟؟؟؟؟

اللحين حسني اللي كابرنا عليه هل يستحق البقاء ؟؟؟؟؟ لاعب متعالي جدا ولا يري اللعب في النصر اقسم لكم انه من اول مباراة مع النصر وانا ماني مقتنع بحسني لاني اعرف حسني مو هذا حسني ,,,,,,

بالله محمد حسين طموحنا اوكيه هو الان افضل الموجودين لكن الى متى وحنا نجيب لعيبه بمستوى لعيبتنا المحليين ملينا ملينا والله ,,,,,,,,,

خاريستياس لن احكم عليه لانه لا يوجد بديل غيره لكن تمنيت ان يتركون مكان ايوفي فارغ ويعطون فرصه للمحلي لان البديل بالتأكيد بيكون زي خايرستياس لاعب عاااااااااااااااااااااااااطل مهما اجتهدنا ,,,,,,,,,,


ابراهيم غالب اقسم بالله المباريات الاخيره انه يحتفظ بالكوره كثير وتنقطع منه الكور كثير ويحرجنا والي مو مصدق يرجع يتابع المباراه مره ثانيه السابقه والي قبلها والي قبلها والي قبلها ,,,,,

ي فيصل بن تركي شفت تشكيلتك اليوم ؟؟؟؟؟؟؟؟؟؟؟؟؟

فريق لا يملك وسط ايسر ولا يملك وسط ايمن ولا يملك صانع العاب هل هذا هوا طموح النصراويين ,,,,,,

لاحد يقولي الزيلعي ولاحد يقولي عطيف لان الزيلعي لاعب لا يعتمد عليه لانه يخوننا كثير وعطيف لاعب لا يستطيع ان يركض مع ابطأ لاعب في الدوري السعودي ,,,,,,,,,

جاء الوقت الي نتكلم فيه لن نترك الكلام لنهاية الموسم لابد من العمل من الان اقسم بالله تعبنا الاتحاد بفلوس الشاورما جاب مقدم عقد سوزا ,,,,,
نحن قادرين ان نقف معكم ي ادارة النصر اعطونا الضوء الاخضر فلم نعد نحتمل الي قاعد يصير ,,,,,,,,

رغم يقيني بان جمهور الهلال لا يقارن بنا كجمهور كعقليات لاني اعرفهم تماما جمهور غير عاشق مثلنا لكن كل موسم يحققون بطولات ومع ذلك عند اي خساره يطالبون ,,,,,,,,,

عذرا ي فيصل بن تركي لا نريد لاعبين كويسين نريد لاعبين سوبر ستار ,,,,,,

فيصل بن تركي يجب ان تتاتي باسماء قوية ان نجحت فهذا اهو المتوقع وان لم تنجح فلن ننتقدك لانك سويت الي عليك لكن عندما تاتي بلاعبين مغمورين سننتقد فهذا اخر موسم لجماهير النصر للصبر على الفريق واذكرو كلامي هذا فانا اقرأ عيون الجماهير في المدرجات ,,,,,,,,,

الهلال اول موسم يخونه الاجانب هذا الموسم رغم انه اتى باسماء معروفه لكن لم يوفق فيهم لكن انضرو للارقام اللذي جلبوهم بها ,,,,,,,,

سوزا الاهلي بكم اتى ؟؟؟؟؟

لدي الكثير والكثير والكثير لا اريد ان انتقد المدرب لاني امس كنت اقول ي لبيه ي كارينو ي كبير ,,,,,

لكن مع مباراة الهلال ومباراة العربي ومباراة اليوم اثبت لي كارينو انه مدرب يخاف كثيرا فهل يعقل ان تلعب بثلاث محاور وتكلفهم بمهام غريبه ي رجل والادهى من ذلك ان تلعب بمهاجمين صريحين ووسط مهاجم خلفهم ي الله لمن تركت وسط الملعب لمن تركت الوسط الايمن والايسر لمن تركت صناعة اللعب ي رجل ستقتل لاعبين بهذا التشكيل فلقد ارهقت المحاور وارهقت الاظهره فلا يوجد من يساندهم هجوميا وعندما يهاجمون يعودون بسرعه ارهقت شايع وارهقت ابو عمر وكلفت غالب وحسني بمهام ليست من ادوارهم اتمنى ان تكون قرائتي خاطئه لك ي كارينو لكن هذا الي اشوفه ,,,,,,,,,,

اخيرا ي جماهير النصر ماذا فهمتم من موضوعي ؟؟؟؟؟؟؟؟ هل فهمتم اني اطالبكم بمعاقبة الفريق بالحضور ؟؟؟ او ان تطالبو باستقالة الرئيس او او او ,,,,,,,,

الجواب اقسم بالله لا بل اطالب جماهير النصر ان تكون قوية وليست عاطفيه طالبو بحقوقكم كجماهير ,,,,,,

كانت لنا كجماهير لنا الاسبقيه في كل شي فهل لديكم الاستطاعه ان تكون لكم الاسبقيه في دعم فريقكم ماليا والمطالبة باسماء لاعبين معروفين وسيفي قوي هل انتم قادرين على ذلك ؟؟؟؟؟؟؟؟؟؟؟

الان جماهير النصر في ضل توفر المادة وتوفر اكبر قاعده جماهيريه لنادي النصر لا نريد العوده بل نريد المنافسه والبطولات لا نريد ان نصبر فلقد صبرنا وصبرنا لين مل الصبر منا ,,,,,,,,,