هذا ماحدث اثناء مشاهدتي لمباراة برشلونة و الميلان

السلام عليكم ورحمة الله وبركاتة




اسعد الله ايامكم بالخير والمسرات
اخواني واحبتي اسئل الله ان يجمعني واياكم تحت ظل عرش الرحمن يوم لاظل ألا ظله.
حدث لي موقف في احد الكافيهات في مدينة الرياض اثناء متابعتي لمباراة البرشا والميلان بخصوص معشوقنا النصر
جلس جنبي احد العاشقين لنادي النصر عمرة تقريباً 16 سنه
سبحان الله النصراويين مع بعض ينسجمون ويتوالفون مع بعض لأنه يجمعهم الحب والاخلاص والوفاء لمعشوقنا ومعشوق الملاييييين ( النصر )
تبادلنا الحديث عن النصر وعن اللاعبين وعن النادي وعن الفئات السنيه احسست من كلامه ومن الحوار الي دار بيني وبينه. انه يتمنى أن يلعب في نادي النصر
سئلته هل تلعب الكورة قال: توني جاي من الملعب انا واصحابي
قلت: في اي مركز تلعب
قال: في مركز المحور
قلت: ليه ماتسجل في نادي النصر!!!
قال لي : يا اخوي ماخليت احد الا درجة اني رحت لنادي اكثر من مرة وما تجاوبو معاي.
قلت له : ترى مو اي واحد يسجلونه في النادي فيه اختبارات يسونها لك.
قال لي: انا واثق من نفسي ولو تبي تجيب لك فريق ونلعب ضد بعض او تعال تابع مباراة لي وشوف كيف لعبي وانا اصلن جاهز للأختبارتهم ولأي شيء يطلبونه مني.
قلت له : الله يوفقك ويكتب الي لك فيه خير.
سؤالي هو : هل يوجد كشافين لنادي.
وطريقة التسجيل في النادي هل هي بالواسطة.
ولماذا لايقبلون مثل هذى الفئه او على الاقل يسون لهم اختبار يشوفون هل بينفع النادي او لا.
اتمنى من لديه الخبره او متواصل مع النادي يرسل لي على الخاص واكون له من الشاكرين.