رؤية فنية سريعه الشعلة vs النصر تعالو معي

السلام عليكم ورحمة الله وبركاته


اولا : الف مبروك الفوز اليوم والثلاثة نقاط .

ثانيا : نقاط سريعه ساتطرق لها ( لان فيه موضوع اساسي للرؤية الفنية للمباراة ) .

طبعا اليوم الكل يعرف من عاشق ومحب للكيان النصراوي اننا بحاجة الثلاثة نقاط

للدخول ضمن الاربعة المشاركين لبطولة اسيا للاندية والحمد لله على الانتصار ورفع المعدل النقطي.والمميز في مباراة اليوم عدم حصول اللاعبين على اي كرت

وهذا شي طيب مررررره .

وكما تعلمون اننا مقبلين على مباراة مهمة امام المنافس العنيد الاهلي وهذه النقطه ساتطرق

بها لاحقا ان شاء الله ..

المهم اننا ندخل المباراة ونحن قد ربحنا هذه والحمد لله .


نرجع لمحور المباراة

غيابات + مستوى من الكثير من اللاعبين شبه باهت = مستوى فني ضعيف ويخوف .


نبدأ بالحارس الشمري : ما قصر وماشي صح .

الدفاع : يبي له تماسك اكثر .. انا لا اعاتب عبدالله مادو ولكن اعاتب البقية كلا من

محمد حسين + خالد الغامدي = ضعف واضح واداء سيئ

محمد حسين + خالد الغامدي = راجعو مستواكم ياليت المدرب يركز عليهم خصوصا خالد الغامدي

مستواك يخوف وفي هبوط .

المحور : غالب شد حيلك اكثر وانا اخوك ( كانت تحركاته ممتازة والقادم احلى يارب ) .

عبده عطيف : يساند المحور شي عجيب وهذا المركز سبب في اختفاء عبده عطيف .

خالد الزيلعي : شوية تركيز يالغالي تكفى خليك هادي في استلامك للكورة مثل زمان يعني

كان متسرع وخصوصا في الاوفرات وهذا الشي ملاحظه في كذا مباراة لازم يحسن وضعه .

باستوس : متسرع حيل حيل حيل صح جاب هدف بس بعد مو باستوس الرائع في لعبه ولمساته

ما ادري وش صاير له متسرع .

خريستياس : يتراجع كثير باصاته صح بس مو خطير في المقدمه ما ادري وش الحل .

البدلاء ما قصروووو ملاحظتي فقط على القحطاني : قلة المباريات مأثره عليه يعني متسرع

مو عارف يتحرك والله يستر لازم المدرب يركز على البدلاء ويدخلهم الجو ويكونون في استعداد.


ياليت ياليت ياليت المدرب يساعد اللاعبين اكثر ما ينفع هالشي اللي شفناه


كنت مشتاق لرؤية نصري بس صدمني كثير بالمستوى .


المهم اكرر الف مبروك والحمد لله .


واتمنى اني وضعت النقاط على الحروف

واسف لو لخبطت في شي


ودي