قوم ياليل عجل لا يطول الغروب

قـوم ياليـل عـجّـل لايـطـول الـغـروب
لوّ ماطـاب لـ.. جفـون العيـون / السهـر


بس تدري وش اللـي حدنـي لـ.. الهـروب
ودّي اسمع بـ.. صدّك ( ياصباح الطهـر ) ,


فاقـدٍ قـلـب لا والله .. ( فـاقـد قـلـوب ) ..
مادرت ( ساعه بـ.. هجر الحبايب / شهر ) !


كيـف لاضقـت بـ.. الفرقـا تغيـب الـدروب
وكيف يبخل على العطشان / مـاي النهـر ؟


وكيف ابنسى وانا اللـي لاصدفـت الهبـوب
يطـري العـود , لامـن مـال مـعـه الزهـر !


من حلاها لو ( الشاهـي تذوقـه / تـذوب )
ومن غلاها لـو ( أبنسـى ) يبيلـي دهـر !


ولـو هجـر الحبايـب عـن حبيبـي , يتـوب
كان قدمت ( دمعي / لـ.. المواصل , مهـر )


اسرفت بـ.. الدموع وبـ.. الجفـا والذنـوب
كنّها تقول :- ( عينـك ماوراهـا ظهـر ) !!


وانـت ياليـل وينـك لايـطـول الـغــروب
مابقـى شـي مـن قـو الجفـا ماظـهـر


غير حاجه بـ.. صوب وكل حاجه بـ.. صوب
( البلا , والغريبه , والعجب , والقهـر ) :-


كـل ماجتنـي الضيقـه / نصيـت الـدروب
ولادريت إلا انا ياليـل ( وسـط الظهـر ) !!


كلمات

عبدالعزيز السبيل