جذبني يالغلا قدرك ..

جذبني يالغلا قدرك

حــلاة الشوق لارفــرف يعــانق بك شذى عطرك
ويسبـح في بحــر عينــك يجاذبـك الهوى أشجان

حبيبــي يابعــد عينــي خذ احسـاسي على صدرك
وضمّــه حيل بيدينــــك علـى لامــاك أنا ظميـــان

رجيتــك في دروب الحب حبيـــبي لاعني هجــرك
تعــال لعشقي المجنــون وخذنـــي لعـالم النسيان

ابي أنسى معك عمري واعيش الحب في عمرك

فديتــــك لا تخلينــــي تراي العـاشـــق الولهــــان

أنا لاقلت وين الشعر تلفت ينتشي عطرك

أنا للشعر وحروفك دخلت بحـــالة الإدمان

يمين الله ماسجيت انا دايــم على خبــرك

أداوي بالشعـــر قلب ٍ يذوبني من التحنان

ياعيني لاشعرت اني اقاسم بالغـــلا عمرك
اتوه من الوله وانســى جروح ماشفت للأن

هلابك يارشيق القد هلا في سرك وجهــرك
هلا باللي على خبري أصيل وقصته عـنوان

هلابك ياوزين الروح هلا في أمسك وفجـرك
على دربك مشيت الحب حكـاية عشتها ألوان

تصدق وين ماسجيت جذبنـي يالغـــلا قدرك
تضيق وتنفرج عندك أسير ويعشق السجان

.