قصيده نصح للبنات

فقــــــــط للمستعجـــــــلات على العــــــــرس

لا تحسبين العرس توفـي وكتكـات
ولا تحسبينـه توكـس والا بونتـي

ولا تحسبين العر س كيكة وطرطات
وصلـة قطعتيهـا ووصلـة بلعـتي

ولا تحسبين العرس تصفيق واصوات
وانت عللى صوت الغطاريف همتـي

ولا تحسبين العرس كوشـة ولمبـات
وانت كما الطـاووس فيهـا جلسـتي

ولا تحسبين العرس احلام في الشات
يامـا بنيتيـهـا ويـامـا هدمـتـي

ولا تحسبين العرس روحة وجيـات
هيا اقضبي بيتـك عسـى مانهبلتـي

ليلة سعيدة وانت احلـى الجميـلات
تشخص عيون النـاس اذا حضـرتي

( واللاينر ) حطيـه بـلا زيـادات
لا يخـرب المكـيـاج اذا دمـعـتي

( والمسكرة ) تحتاج لطف ومدارات
حتـى يبـان ازيـن اذا غمضـتـي

( والاسبريه ) رشيه حتى البصيلات
ينسك شعرك زين ولـو كـان زدتي

وترى( المحدد ) فن يحتاج رسمـات
يبـان رسمـه زيـن اذا ابتسـمـتي

العـرس يابنيـة ماهـو شـعـارات
تفنـى مراسيمـه وتبقـيـن انــتي

ويبقى شريك العمر راعي الطويلات
هذا هو العـرس الحقيقـي عرفتـي؟

اول نصيحة لـك حفـظ الصلـوات
صلي العشا والفجر فـي كـل وقـتي

وفي ليلة العرس الموفـق وبالـذات
ادعــي الكـريـم الله اذاسـجـدتي

والتعري لاترضين عنـد الكوفيـرات
ولبسـك يملـي العيـن اذا لبـسـتي

واللي على زوجك تحرضك مـرات
ارجـوك شوتيهـا شوتـت بلنـتـي ؟

والصبر في العشرة حتى على فتـات
ياماحـلا فعلتـك يومـك صـبـرتي

واذا حفظت السـر مـع المـدارات
زوجك ترى في عيونه انـت كبـرتي

والسوق يعني هاه وقت الضـرورات
والاتـرى زوجـك يـدور لمفـتـي

زيدي الغطاية وكثري في العبايـات
والله يرضـى عـنـك اذا سـتـرتي

اوصيك بالكبسـة وكثـر اليدامـات
حتـى لوانـك مـن سببهـا متنتـي

وخلي الرجيم اللي فشلت في مـرات
سويـه مـرة واحــدة لا ولــدتي

اوراق بنيه ترسل ازكـى التحيـات
خصيهـا بالـدعـوة اذا دعـوتـي

يعطيك العافيه اخوي فارس الماضي
لاهنت

كًلٍمًٍـٍـٍـٍـٍآٍتٌ فٍي مُنْتًهًى ـآلرًوْعًه !
سًلٍمًتْْ أنَـًآمٍلُكً عَلَى مًآ خًطْتْ هُنًـًـًآ مٍنْ إبدَـآعْ ..
ننتظرْ منك ـآلمَزٍيٍدْ
ودي لسموكـ

اشكركما على الاطلاع لكما مني الشكر

يعطيك العافيه

ولك احلا تقيييييم

تسلم ولا يسلم ردى العازايم